Thantlang laipawnglung gate le khua kiangkap ah bomb le meithal puak

Thantlang laipawnglung gate le khua kiangkap ah bomb le meithal puak

2021 June 9-10 ah Thantlang laipawnglung gate le khua kiangkap ah bomb le meithal puahkehnak a um tiah khua mi hna sin in kan theih.

“June 9 zinglei 1:30 hrawng ah Thantlang laipawnglung gate ah bomb voinga hrawng a puak. June 10 zanlei suimilam 6 hrawng ah bomb hmunthum ah voi hra hrawng a puak. Cu hnu ah zan ah Thantlang khuachung hmunli ah meithal a puak. Mi zei nih puah mi a si cu mipi nih kan thei lo.” tiah khua mi hna sin in kan theih.

June 10 zinglei ah CDF, Thantlang le SAC ralkap kahdohnak ah SAC ralkap 17 an thi i, CDF, Thantlang lei an him dih tiah kan theih.
Credit-The Chinland Post

I Theithiam U Sih.Uknak tha lo le kan duh lo tukmi nih an kan rialdip lio ah zeitindah kan luat khawh lai tiah mah le khaap tawk tein kan tanti lio caan a si.

Nizan tihni ah ralhrang meithal 1 a chut khomi cu $ 1000, lawmh man pek an si lai ti si, tu lio tangka thlen man cun Kawlram tangka sing 16 fai si hnga cu.
Ruah Awk…

A. Tangka phalh ti a si tik ah mah pumpak hlawknak ruat loin pum aa pemi hna an man a zor kho. $ 1000 hmuh an duh ruang ah pei an pum an i pek ko cu tiah zohchuk degrade an tong kho.

B. Khat lei ah hi hi ram thangcho pipi zong nih an tuah tawn ve ko. Tcnk US rampi caah tihnung ral ti i an ruahmi Osama bin Laden thahnak ah khan $ 25 milliom bak an rak thap ko. Cucu a thattu zeirel lonak ah si loin an ral ngan bik hloh khawhnak lam an kawl bia a si ko.

Kan ral nganbik hloh khawhnak lam kan kawl lio ah hin kanmah le kanmah i theihthiam a biapi tuk.A caan ah kan hmuh ning aa khat lomi tete a um kho nain kan ral nganbik hlohnak le kan target phanh khawhnak ah lam kan kawl cio ti zong philh hlah u sih. Credit-Peng Thang

Be the first to comment

Leave a Reply

Your email address will not be published.


*