Thantlang khuapi chung ah SAC mithat hna nih phone an check i khuami pakhat a Motorcycle a dirter duh lo ca ah meithal in an kah tiah khuami sin in thawng kan theih.

Phone an check i motorcycle a dir duh lo ca ah Thantlang SAC nih meithal in khuami an kah.2021 September 15 zinglei sang Thantlang khuapi chung ah SAC mithat hna nih phone an check i khuami pakhat a Motorcycle a dirter duh lo ca ah meithal in an kah tiah khuami sin in thawng kan theih.

Khuami pakhat nih, “Atu naite ahkhan a si. TABC pawng hrawng ah motorcycle in aa chokmi le leeng a chuak mi phone an check. An check nak ah minung pakhat motorcycle a dir duh lo ca ah meithal in an kah. Asinain, a minung an kheng lo,” tiah a chim.The Hakha Post

Thantlang khuachung September 14 zaan ah bomb zong a puak inn zeimawzat a rawk mi um. JMBC biakinn cung zong ah bomb a tla tiah kan theih.The Hakha Post

Thantlang le Hakha cu bomb le meithal puah thawng nih a tlerh than September 14 2021 September 14 suimilaam 9:00PM tluk ah Hakha le Thantlang khuapi chung hmun cheukhat ah bomb le meithal a puak than tiah thawng kan theih.

Khuami pakhat nih, “Hakha khua chung khoika zawn in dah a puah ti fiang in kan thei lo. A aw a than lawng si lo in a tlerh in an kan tlerh dih. Mi zeidah an si ti zong kan thei lo,” tiah a chim.

Thantlang khuapi chung zong ah bomb le meithal puah thawng theih a si.

Thantlang khuami pakhat nih, “Thantlang zong ah a puak. Mizei an si kan thei lo. A puah thawng a thang. Atu tiang aa hliam mi le inn a rawk mi a um ti cu kan thei rih lo,” tiah a chim.

Bomb le meithal lawng si lo in khua chung ah Drone thlah in minung ngiatthlainak zong an ngei. Hi bantuk in a tuahtu hi cu SAC lei an si ko lai tiah khuami nih an chim.TheHakhaPost

Be the first to comment

Leave a Reply

Your email address will not be published.


*