Thantlang khuachung ah rallokap ta a si mi drone an zuan ter

Chin ramkulh, Thantlang khuachung ah May 26 ni ah rallokap ta a si mi drone voihnih thlah a si tiah khua mi hña nih an chim..

Zingka suimilam 10:00 – 11:00 AM Kar ah voikhat , zaanlei suimilam 4:00PM ah voikhat an thlah hnuah rallokap umnak lei ah a zuang tiah khuami hña nih an chim.

Thantlang khuachung zaan dangah meithal thawng le puahkeh thawng theih a si. A sinain mipi le rallokap kar ah kahdohnak cu a si lo .The Chin Post

HIGH SCHOOL GRADUATION.May thla hi US ah cun high school a kaimi hna awnnak cazual (diploma certificate) pek caan a si.

Chinmi tamcem umnak khua Indianapolis public school pahnih; Southport le Perry Meridian high school zong May 28 & 29 ah high school a dih mi hna diploma peknak (Commencement) ni a si lai.

Tu kum 2021 ah Southport le Perry high school in a dihmi hna lakah Chin siangngakchia minung 216 an i tel lai. Southport in 98 le Perry in 118 an si lai. Private sianginn zong in high school diploma a lami tampi an um hna.

Southport le Perry high school in a dihmi a thiam bik top 40 (Class of 2021) lakah Chinmi 8 an i tel. Perry high school top 40 i Chinmi ai telmi hna cu; 1. Biak Tin Sung, 2. Nathan Kap, 3. Thawng Thang, le 4. Sui T. Par an si. Southport high school top 40 ah Chinmi ai telmi hna cu; 1. Thian Hrin Awi, 2. Thawng Ṭha Ceu, 3. Lydia Sui Tha Men Par, le 4. Lian Sian Cing hna an si.

Top 40 (Class of 2021) ah ai telmi hna hi Scholarship an hmu dih hna i University ṭha ngai ah admission zong an ngah hna. Top 40 chung ah ai tel lo nain scholarship a hmumi Chinmi hi Perry ah minung 30 an um i Southport ah minung 6 hrawng an um.

High school tlamtling tein a dihmi dihlak ka lawmhpi hna. College zong kai khawh i zuam dih hna seh ti ka duhpiak hna.Congratulations All Graduated of 2021
Credit-Van Ceuuk Khenglawt

Be the first to comment

Leave a Reply

Your email address will not be published.


*