Thantlang in Khuahringtlang lei ah SAC Ralhrang an Kal

Nihin zinglei ah Hakha in Thantlang lei ah SAC ralhrang minung 50 hrawng an i thawh i, nihin zinglei ah Khuahringtlang lei ah an lan, tiah thawng kan theih.

Thantlang khuami pakhat nih, “Nihin zinglei Lo in ka tlun pah ah Buva ah ka ton hna i ka thilri an ka check dih. Cun, Thlantlang khualuh lai ah bu khat he kan i tong tthan,” tiah a chim.

“Ralkap bu 2 an si i, kee bak in Khuahringtlang lei ah an kal hna. Khuafo hna an phan cang hnga maw dik,” tiah a chim chap.

Atu SAC ralhrang pawl an kalnak Khuahringtlang lei hi CNF Camp a umnak he cun a lampi aa ralkah deuh ngai i, zei ruang ah dah Khuahringtlang lei an kal timi fiang in theih a si lo. The Chin Journal June 7, Thantlang

CNF le Raltuknak Hriamnam“CNF nih hin hriamnam thazaang ngai ngai an ngei lo, cu caah hi an tuahmi hi cu hmelchunhnak a si …Asinain, CNF hi Remdaihnak tuah lio ah khan ram leng um upat ṭihzahmi ramkhellei hruaitu hna ruang ah an rak lar ngai”

29/05/2021 ah CNF le Ram Pumpi Rualremnak Cozah (NUG) nih hnatlaknak min sen an thutmi kong he pehtlai in ramkhellei dothlattu Richard Horsey nih a chim tiah Frontier Myanmar nih 30/05/2021 ah an tar.

Richard Horsey nih hin CNF hi an cekkha tiang cun a hngal hna lai lo nain a bia hi al awk cu a um tuk rua lo tiah ka ruah. Cu he pehtlai in lung chung ah a hung chuakmi:

Cabuai cung raltuknak (remdaihnak ca ah bia i ruahnak) ah cun CNF hi Tlangcung hriamtlai phu vialte lak ah hmaisuang an rak si ko. Amah bel, cabuai cung raltuknak hlawh a cham i ram chung raltuknak chuah dawh in a um. Hi sining ah hin CNF hi an dirhmun le an thazaang zei dah a lawh hnga ti hi mi sawh sawh nih cun theih duh ko hmanh ah kan hei thei kho lai lo va si kaw um ko seh. Pakhat bel,

“Miphun min put in hriamtlai phu ser ko ahcun cabuai cung raltuknak hriamnam lawng si lo in ram chung raltuknak hriamnam zong tlamtling deuh in ngeih a rak herh ko rua”

NLD cozah chan, Thantlang ah tuahmi 2020 Chin Miphun Ni ah khan CNF cu biachimnak nawl hmanh an rak pe hna lo. Min Aung Hlaing nih uknak a chuh hna tik ah NLD hruainak in tuahmi NUG cozah nih rian ṭuan ṭi ding in hnatlaknak minsen a thutpi hmasabik an si ṭhan.

Ramkhel buantual ko ah hin lung thlen le hmurka thlen a rang bik ko rua.A Ruang 30/05/2021

Be the first to comment

Leave a Reply

Your email address will not be published.


*