Thantlang COVID-19 zawtnak chek mi minung 100 chung ah minung 21 zawtnak hmuh, pakhat thi

Chin Ramkulh, Thantlang khuapi chung ah COVID-19 zawtnak kong he pehtlai in nihin 2021 June 24 tiang zawtnak chekmi minung 100 chung ah minung 21 sin in zawtnak an hmuh i minung pakhat a nunnak a liam cang tiah theih a si.

Thantlang khuapi chung COVID-19 zawtnak an i runvennak kong he pehtlai in min langhter duh lo pakhat nih, “Zawtnak hmuh mi hna hi sii-inn lei ah chiah i thlopbul awk an that lo ca ah anmah le inn cio ah chiah an si. Sii-ai lei zong hi mizapi he i bawm in a si khawh chung tawlrel a si,” tiah a chim.

Cun, Thantlang khuapi chung COVID-19 zawtnak chekmi hi COVID 19 Emergency Response Committee Thantlang hruainak in an tuah mi a si tiah kan theih.

Thantlang khua chung i COVID-19 zawtnak hmuh mi minung 21 chung ah 2021 June 20 ni ah pakhat nunnak a liam.The Hakha Post

Adang relthan:Ralhrang Nih An Kahmi Pa A Ruak In An Char.Kalaymyo Taungphila veng Cozah riantuan hna umnak inn pawngah June 23, nizan 9:00 pm hrawngah ralhrang nih meithal in an kahmi pa cu a ruak in an char.

A ruak cung i hmatpungtin ningah a min cu Salai Ngun Nei Piang Piang si i Taungphila veng No. 6 ah a ummi a si. Nizan ah khan hi hmun hrawngah hin meithal thawng voi 4 kan theih tiah veng chungmi nih an chim.
Zalen

Be the first to comment

Leave a Reply

Your email address will not be published.


*