Thantlang CDM le ralkap dohnak lei tawlreltu hna sin biacah

Thantlang hi ralkap doh nak lei lamzawh ah kan thazaang a der rhringhran ko. zei ruang bik ahdah kan thazaang a der hnga tihi ruah lo awk a tha lo. a tanglei bantu khan hi kan tuah lo caah kan thazang a dernak a  si lai tiah ka ruah.

Ramkheel biacah: Lamzawhnak ah mipi kan tha a thawh chinchin nak hnga lamzawh fatin tian lai ah thantlang kan upa raltha mi le ramkheel fiang pup ina  chim kho mi nih ralkap dohnak mipi sin ah chim ding.

CDM aa tel mi hna humhak: CDM aa tel mi hna lungretheih le humhimnak kha tha tein tuah ding. CDM ahhin cozah riantuan lawng an si tilo, palek aa tel mi an um ve caah ralkap thiltuah tih anung kho mi an si. Minung cu tihnak in kan khahtuk ahcun kan ruahnak thlen than a fawi mi a sicaah thazaang pek, an himnak zong mipi nih kan ruah piak chih hna lai. anmah ven in i veng hna seh tiah ruah lo ding.

Lamzawh ning thlenpah ding: Nihin tiang kan lamzawh ning zoh tik ah kawl lei in tuah ding an ti mi lawng i cawn lengmang a si. tuah bon tuah ah lugthawhnak a zor kho mi a si. tahchunnak ah, Min Aung Hlang photos hna zapi lam lai ah benh ding, ralkap duh lonak hmelchunhnak vialte tlingte in langhter khawh zong a biapi tuk. Zaanglek thiam pawl nih zaanglek uniform i hruk kho hna hnaseh, hlasak thiam hna nih a hu tein chuak hnaseh, muidawh kan ngeih mi hna nih an muidawhnak in langhter hnaseh tibantuk phunphun in kan tuah tik ah thazaang a hung chuak ngai hnga.

Zarh khat vuikhat tel tonnak tuah: CDM upa hna nih Thangtlang mino hi zarh khat vuikhat in ralrinnak, lamzawh ning, thawng thanhnak, thutdir ning ti bantuk meeting kan tuah pi ding. cun a tu lio thil cang cuahmi mi kong theihternak tuah. ramkheel lei kan pa le hna sin in tuah herh mi chimrelnak tuah. Pakhat cio kan hmuh ton mi chimrel nak ngeih, Ralkap le palek cawlcangh ning ngia thlaitu hna sin in ralrin ning chim fiannak ti bantuk kha tuah ding.

Local company rian ngolter ding: Ralkap uknak duh lo lamzawh tik ah milu thazaang tampi a herh ve tik ah local company tender sok mi hna zong hi lamzawh ni ahcun an rian kan off piak hna seh, local company nih riantuan tu milu tamtuk an lak caah lamzawhtu milu kan karh kho lo.

Inn kip catar: Ralkap uknak cu duh lo cio a si ko nain um kalnak har ruang ah lamzawh kho lomi kan um caah kan unak cio in ralkap uknak duh lonak langhter ning tuah ding. cucu Ralkap uknak kan duh lo tinak ah kan inn kip ah catar ding ti bantuk zong tuah khawh a si.

Chim duh bik mi cu Thantlang hi pengdang bantuk kan si lo. kan lamzawh hi tha a chia tuk hringhran caah thazaang chuah thannak caah a tha hnem hnga maw tiah ka van tial mi a si.Credit-Ro Lian Thang

Be the first to comment

Leave a Reply

Your email address will not be published.


*