Thantlang ah rallokap an chap chin lengmang hna caah khua nu khua pa an thin phan tuk cang.

Thantlang ah rallokap an chap chin lengmang hna caah khua nu khua pa an thin phan tuk cang. Tutan ah hin thil pakhat khat cu a cang hrimhrim lai tiah zumh a si.

Cucaah Thantlang khuasa hna nan i ralring a hau. Khuahring tlang zong ah minung 50 leng pi an thlah hna. Khuahring tlang in Victoria Camp hi ai hlat tuk cu a si lo. Rallokap raltuk ning phun khat a si men lai. A cheu nih vanzang tlang in rak nam in, khuahring tlang lei ah an rak zam lai i, kan rak thuat hna lai timi raltuknak phun khat phun an hman kho. Cu caah tutan ah mipi kan i bomh, kan lung ai rual a hau.

Lai meithal hi chia sawh hrimhrim hna hlah usih. Kan inn chung in pakhat kan thah khawh i, kan zamnak a rem ah cun kap ko hna usih. Laimi kan lungput hi Sahrang chia nih kan tih ve cang hna seh.Lau hlah usih. Raltha te in dir usih.Credit-International Sport News

Adang relthan:Hawile hna Zeitin nan ruah cio?Kan lai media hakha Hram Bunh! The Hakha post “Le The Hakha Time “ le American Hram Bunh CCN hna hi a tu lio ahcun Ralkap thawng pe tu ban tuk an si. Kawl media hna khi cu holh dang an ngeihlo caah chim a hau lo. Kan Mah lai mi “ kan Mah lai Ram “ kan Mah lai Holh le kan Mah nih kan theih awk ah Thawngthanh awk a si lo maw? A Ziah kawl Holh lawng tein thawng hi akan zamh hnga?

A mak bak si. Kan mahle kan Mah ralrin pek nak ahcun lai Holh hi a sinpi ko e. Kawl ca kan rel khawhlo ruangahcun a si lo nain kan chim duhmi cu a tu lio ahcun lai Holh hi Kawl Holh nak in a him deuh lai. A si khawh ahcun Kawl ca hmanhkhi dakaw Lai ca” in akan leh piak ding a si cu. Nan ruahnak chim cio ko uh.Salai Hrang Uklian

Be the first to comment

Leave a Reply

Your email address will not be published.


*