Thantlang ah COVID-19 mizaw pahnih hmuh an si ca ah zulhphung renghtlaih deuh timh

2021 January 2, Thantlang ah COVID-19 mizaw pahnih hmuh than an si ca ah January 4 thok in zulhphung an rengh chinchin cang lai, tiah tuanvo ngeitu sin in kan theih.

“Atu hi Mandalay in a rak tlung mi minung pahnih (min le khua langhter lo mi) sin in COVID-19 zawtnak hmuh than a si ca ah, January 4 thok in khuachung ah mask aa hup lo mi chek hram kan thok cang lai. Khualak ah mask aa hup lo mi cu COVID-19 phung ning bantuk in dantat an si lai. Cun, dawr ngeitu asiloah dawr hngaktu nih mask an i huh lo ahcun an dawr kan kharter hna lai,” tiah Thantlang No. 1 Sang Khuabawi Pu Van Thlir nih The Hakha Times ah a chim.

Thantlang ah hin Malaysia in a rak tlung mi pakhat sin ah zawtnak hmuh a rak si bal i Hakha sii-inn in aa thlop hnu ah a chuak than cang. Atu hi mizaw pahnih hmuh than an si i Thantlang sii-inn ah thlop an si. Atulio Thantlang ah COVID-19 he pehtlai in Mulone-Laylone ah ah Quarantine chiah mi minung 6 an um rih, tiah kan theih. Note: Credit pek loin copy paste kan siang lo
Credit-The Hakha Time Page

Be the first to comment

Leave a Reply

Your email address will not be published.


*