Thailand Ah An Tlaihmi DVB Thawnglatu 5 Hna Cu Ramthumnak An Phan Cang

Thailand palik nih an tlaihmi DVB thawnglatu 5 hna cu ramthumnak an phan cang tiah DVB nih thanhnak a tuah. May 9 ah khan DVB thawnglatu 5 hna cu Thailand Chianmai ah palik nih phungning loin ramri tan/lonh ruangah an tlaih hna. An bia cu ceih a si i biaceihzung pakhat nih thla 7 thongtla dingin bia an chah.

Cu thawnglatu 5 hna cu Myanmar lei ah kuat awk an that lo caah ramthumnak ram pakhat nih remkhel dornak a pek hna. Asinine anmah himnak ruat in dornak a petu hna ram cu DVB nih a langhter chih lo. An boruak a that tikah thilsining tling tein akn thanh te lai ti a si.

Atu bantukin thawnglatu 5 hna ramthumnak tiang phan kho dingin bawmtu Thailand cozah le pumpak hna cungah kan i lawm tuk tiah DVB Editor in Chief a simi U Aye Chian Naing nih cathanh ah a tial.

Ralhrang khawngsil nih DVB telh in Media ngan 8 hna cu licence a chuh hna. Thawnglatu tampi zong an tlaih cang hna. Asinine DVB siseh media dang si hna seh ramri a himnak hmun le ramleng in pehtlai tein thawngpang tialnak le chimnak an pehzulh khawh peng ko. VOAThe Chin Post

Be the first to comment

Leave a Reply

Your email address will not be published.


*