Thai Capo Lemcang Thiam Kom Chauncheun Covid In A Nunnak Liam

Thai ramah a min lar ngaimi lemcang Kom Chauncheun cu Covid 19 in nihin April 30 ah a nunnak a liam tiah theih a si.Kom Chauncheun cu Thai zukcawl tamnawn ah a tel,mipi nih theihkhun a sinak zulcawk hna cu “E Riam Sing” (2020) “Bikeman” (2018) “The Microchip” (2011) “Hell” (2005) hna an si. Kom Chauncheun hi a nunnak a liam ahhin kum 64 a si.Myanmar Celebrity Tv Club.The Chin Post

2021 UM Revolution.Nov. 8, 2020 tuahmi Union of Myanmar (UM) thimnak ah zatuak 83% leng in NLD nih teinak a hmuh. Nain, Kawl ralkap (KR) nih ziknawhnak le hrokhrolnak um timi ruangah thimnak result an cohlang lo i, Feb. 1, 2021 ah meithal in uknak an lak tthan. ASSK, President le dangdang zeimawzet cu cawl kho loin an erh ko hna. Cu tikah,lamzawhnak van thawk colh si. Lamzawhnak cu CDM tuah nih a van zulh colh ve. Cun, CRPH cu van dirh si.

Tulio UM dirhmun ah biapi tukmi cu 1) CDM hi si. CDM hi pehzulh khawh peng ahcun, KR dirhmi SAC le KR lila hi a cawlcaang in rianttuan kho thai lai lo. Lamzawh le CDM ruangah KR nih uknak a lak taktak khawh lonak hi si (ai ruahning bang thil kal lo). 2) Civil Defense Force (CDF) tthawnnak hi si. Chinram ahcun CDF hi Chinland Defense Force in kan van ngei. CDF le KR karlak kahnak zong a van um (KR nih a duhning bang Chinram zong uk kho ti lo). CDF silole Civil Army (CA) hi biapi tukmi van si tutan KR dohnak ah. 3) CRPH hi si. CRPH cu zapi khuakhangtu le tawlreltu in thlennak le KR hrawhnak caah rianttuanmi an si. CRPH dai lo le din lo in a kal le tthawn zong hi biapi tuk. CRPH nih a tuahmi hna hi KR hrawhnak le thlennak caah biapi bakmi an si. CRPH nih

1) NUG a sersiam 2) Federal Democracy Charter a chuahpi 3) UM ummi miphun le hriamtlai kip funtomter 4) Vawlei pumpi sinah UM kong langhter 5) Federal Army a sersiam cuahmah

2nk, 3nk le 5nk hi process in a kal cuahmah lio si i, a tuan bik ah CRPH silole NUG rianttuannak in a tlamtling lai tihi ruahchannak zong ngan ngai. Rianrang deuh in tlamtlin paoh kha UM zapi caah thil ttha si. Thisen le nunnak tam tuk liam loin, KR nih uknak hi thlah (ap) hna sehlaw – a ttha chinchin lai. KR lungdongh le sungkhan hlan lo, zapi nih CDM, CDF le CRPH (NUG) cawlcanghnak in doh lawlaw kan hau. Zapi nih herhmi cu lungsaunak, fimkhurnak, ralrinnak le temtuarnak tbk hi an si.

KR nih uknak laknak le 2021 UM Revolution ai thawknak hi thla thum a van tling cang. Ralkap le civil he 1000+ kan thi cang. Nain, UM van cuanh tikah, tutiang ahcun KR hi a derthawm in cawlcaang kho tuk lem lo i, zapi hi CDM le CDF in kan van tthawng. Cun, Tlangcung hriamtlai zong an tthawng chinchin hna. KR doh hi a kum in rau kho tiah ramkhel le tuanbia thiamsang nih an chim tawn. Zapi caah a sau le rau deuh sual taktak kho men. Thlennak le teinak tinco hlan cu, tlawmpal chung van temtuar kan hau rih.Note: Mah vial kha theihtlei phun in seh. May 13, 2021 chuak ding cauk philh hlah!!!Van Nun Lian

Be the first to comment

Leave a Reply

Your email address will not be published.


*