Teinak Lam! Ralkap nih uknak an firmi le an ìchuhmi kan dohnak ah TEINAK kan hmuh hrimhrim lai ti zumhnak ka ngei.

Teinak Lam! Ralkap nih uknak an firmi le an ìchuhmi kan dohnak ah TEINAK kan hmuh hrimhrim lai ti zumhnak ka ngei. Zeicahtiah,

1. CDM (ramchung/ramleng) cawlcanghnak hi hmual a ngei tuk. 2. Dr. Sa Sa te pawl nih Daw Suh nih a rak huhphenhmi Min Aung Hlaing cu ICJ le ICC bak ah taza cuai ding i an tawlrel mi hi a thaa tuk. Atulio an tuahmi sualnak vialte hi an phurh te dingmi an si dih. Zei ram hmanh nih a cohlang (recognized) hna lo. Ralhrang ah phuan an si cang.

3. UN, EU le America hremnak hrimhrim hi a rit tukmi thil a si. A herh ah cun UN ralkap zong an van thlah te ko lai ti zumhnak ka ngei.

4. Mipi cawlcanghnak. Hi zawnte ah hruaitu thaa le strategy thaa (khuakhan thiamnak) kan herh. A caan ah cun i dinhta (retreat) zong a herh. A caan sauter zong a herh.

5. Caan a rauh tikah Palek nih “Ralkap sal” kan si timi an i fiang te lai i an chuaktaak te hna lai. Ralkap cheukhat zong nih an celh te lai lo i anmah chungin an kuaite ko lai.

6. Tlangcung hriamtlai phu nih an umnak cio in an kah te hna lai i ralkap an i tthek lai caah khuapi chungah an thazaang a derthawm te lai.

TEINAK NGEITU kan Pathian thawngin TEINAK kan hmuh hrimhrim te ko lai အရေးတော်ပုံ အောင်ရမည်.Credit-Ck Tiam

Be the first to comment

Leave a Reply

Your email address will not be published.


*