Taza cuai phu CNN nu bia

Kan pi kan pu hna nih ‘’biachim sawhsawh hlah’’ an rak ti tawn. A ruang cu, chimmi bia nih mi kha fahnak (ngaihchiatnak / lungfahnak / thinhunnak) a peek khawh caah a si ko. Bia hi a faak an ti. Kut tum nakin a faak deuh an ti tawn. Meithal kuan nakin a faak deuh a timi hmanh an um. Bia a fahning hi keimah hmanh nih zeimawzat cu ka tep bal ko rua.

Bia a faak timi hi a fah awk hrinhrim a si ko tiah ka ruah. Zeicatiah, van le vawlei hmanh hi Pathian nih a ‘’ bia ‘’ in a ser ko caah a si. Bawi Jesuh zong nih ‘’van le vawlei an rawk lai nain ka bia cu a hmun lai’’ a ti fawn. A ngaingai tiah, minung kan philh khawh lo bikmi hi ‘’ bia ‘’ a si ko. Kan i fahsak bikmi zong ‘’ bia ‘’ a si fawn. Cu hmanh cu Laimi kan si rih men lai. Bianeek le bia-eng hrimhrim cu a pin tuk hringhran. Bia a biapit ning!

Asinain, mihrut nih bia a fah le fah lo an thei kho ve lo. Mihrut khi ‘’na zang he’’ ti hna law an ni huar ko lai. Kan thah lai ti zongah a ṭih awk an hngal fawn lo. Mihrut ti zongah an thin a hung hlei lo. An i nuam huar ko. Mihrut cu chim lo, ka fim aa ti vemi hmanh bia a lu le a taw a thleidang lomi kan tampi.

Naite i Kawlram a va kalmi nu CNN nu bia an timi hi a faak bak ko. Lailei siseh law, biahri an i tirh ko lai. Tazaa hmanh an i cuai a phah lai. Thisen luanh a haumi bia a si. Asinain, Zaw Me Lung te pawl an zeite a poi ve rua lo. An i seihchiah huar ko rih. A fah awk le fah lo awk an thei rua lo. Hruh hnuhnu le molh hnuhnu ahcun!Credit-Perhkalh Thawng

Be the first to comment

Leave a Reply

Your email address will not be published.


*