Taluk nih Kawlram lei Kap ah Ramri a rak Kulh caah Mipi he An Buai

Kachin remkulh Mansi peng Manwonkyi (မန်ဝိန်းကြီး) chung Kawlram le Taluk ramri tung 53/1 le 53/2 kar Kawlram lei kap ah Taluk nih ramri a rak kulh chap caah pawngkam mipi he an buai tiah theih a si.

Mahka hmun hi 2020 kum ah Taluk nih pe 12 sangin a rak kulh cang. June 23 ah a thar in Kawlram lei kap ah an rak kulh chap caah Manwonkyi mipi nih an va hrawh caah mipi he buainak a chuak. A tu ah ramri hi Taluk ramkap tampi nih ramri an congh tiah theih a si. The Nation The Chin Post

Adang relthan:Champhai YMA le DC nih Zawlsei Ralzam Inn Caah Camphiau An Pek.Nizan June 24 ah khan Champhai YMA nih Zawlsei ralzam hmun sak lio mi caah camphiau bundle 24 le phaisa sing 1 cu Tuipuiral group YMA kut ah an pek.

Camphiau hi Champhai Deputy Commissioner Maria C.T Zuali tawlrelnakin Disaster management & Rehabilitation Department (DM&R) nih pek mi a si i, Champhai YMA nih ralzam bawmhnak caah sing 1 he Zawlsei ah an va pek.

Champhai YMA President Pu F. Lalrinmuana nih ralzam hna cu an dirhmun a harsa deuh zongah lung thawn tein tuar rih ding le YMA nih a phak khawh chungin hmalak an timhnak kong le Tuipuiral group YMA cungah lunglawmhnak a chim. maipawl The Chin Post

Be the first to comment

Leave a Reply

Your email address will not be published.


*