Tahtone khua ah lam a zawh mi hna meithal in a kaptu ralkap pali cu KNU nih an kah ve hna i pahnih an thi, pahnih hliam hma he an zaam

April 23, 2021 Mon ramkulh Tahtone khua ah tuah mi; Miphun Rualremnak Cozah (NUG) dirkamhnak le ralkap uk duh lo lamzawhnak a tuah mi pawl meithal in a kaptu Council ralkap pali cu KNU nih an kah ve hna. Pahnih cu hmunril in an thi i a dang pahnih cu hma faak pi an put buin an zaam tiah theih a si.

“Tahtone Naungmon Kaung Kyite Café hmai ah lam a zawh mi mizapi an kah hna ca ah KNU nih an kah hna. Ralkap pahnih hmunril in an thi. A taang mi pahnih zong hma faakpi an pu. An thi kho men,” tiah lamzawh hruaitu pakhat nih a chim. Ref: Khit Thit Media The Hakha Post

Hakha Cawbuk Sang ah inn pakhat a kaang, minung an him.April 22 zaan, 12:30 AM hrawng ah Hakha Cawbuk Sang Pi Sui Pen inn (Innhlang Pi Tawk Sung te umnak) cu electric mei in a kaang, minung cu an him, tiah kan theih.

“Hi inn kaang hi electric mei in aa thok mi a si. Pi Tawk Sung te hi nu lawngte 3 khuasa an si. Minung cu an him nain an thilri cu a ciam dih ko. Thaal ruah a suur lo tik ah a linsa tuk i ram mei siseh, inn mei siseh fawi tein an kaang kho. Cucaah, mei hi cu kan i ralrin peng ding mi a si,” tiah Hakha Peng Meithat Zung lutlai Pu Thian Nuam Maung nih The Hakha Times ah a chim.

2021 kum chung Hakha ah inn 5 in 10 kar hrawng a kaang cang i ram mei hi voi 40 hrawng an tlaan mi Meithat riantuan hna nih an phalh cang, tiah kan theih.The Hakha Times

Be the first to comment

Leave a Reply

Your email address will not be published.


*