Sweden lei Covid-19 update

Tu hrawng hi Sweden cu Covid-19 zual lei a panh. Sweden cozah nih Lockdown tibantuk a tuah bal lo pinah mask hna hi cu tluk piin a strict lem lo. Nain tutan cu a vun rengh deuh ngai cang. England ram ah an hmuh tharmi Sar-Cov-2-virus ruangah tuzan in England le Danmark in Sweden lei khual tlawng le luh a kham.

Restuarant ah rawl ei tikah cabuai pakhat ah minung pali cung thut lo ding, minung pariat cung tonpumhnak tuah lo ding, bar le night club te pawl ah zan suimilam 10:00 pm hnu zu zuar ti lo ding, buss le tlanglawng (train) in khualtlawn tikah mask hman ding tibantuk a vun chuah.

Sianginn hi High School in a cunglei paoh cu a luancia thla zeimawzat khan online in cawn a si cang. Tang 9 in a tanglei bel cu ttha tein kai a si peng ko rih. Covid-19 long siloin Sar-Cov-2-virus an vun hmuh chap ruangah thaizing hi kan cozah nih shoping centre, super market le zapi tlawnlennak hmun hna ah zulh ding phung kan vun chuah lai tiah an ti.Nihin tiangah Covid-19 in a zawmi 367,120 an si cang i, a thimi hi 7,993 an si cang.Credit-Salai Biak Tum Lian

Be the first to comment

Leave a Reply

Your email address will not be published.


*