Sunghno na Pa nih cun Ni tlak lai ngakin, Zanlei na tin lai lawng a mit hram fak in an cuan lioah, na pa runin ah zual ko an phan ee,

Na Bau Cang Lai Mu Far Hniang :Far hniang Nizan na mang a tha lo na theih ko bu tein, Sunghno na pa kaltak in CDM thazang der lai na duhlo tukah, Nidang bantuk tein papa chuntha mu ka rak kir than lai tiah Ruahchaan naak na peek.

Sunghno na Pa nih cun Ni tlak lai ngakin, Zanlei na tin lai lawng a mit hram fak in an cuan lioah, na pa runin ah zual ko an phan ee, na cawi hrin hniang cu ee, Ralkut in a Nunnaak a liam cang ee an ti…

Aw! Far hniang, sunghno na Pa a Sampar sii thuhtu an um ti lai lo, na kal hnuah hin na pa nih vulei Nun a zuam ve ti lai lo, Ziahhme na mang chia ko ahcun Nihin tel cu na rak i din ko lo.

Far hniang.Teinaak thandar kan Thliar Ni ahcun Rau thla tel in kan len ve mu, Na thisen nih bia a chim cang, Na Thisen he Teinaak Laam na cial mi cu, kan van zulh cio tikah, Na tuan bia hi thar zungzal ko lai far hniang.

Mang dawh tehe rak ih mu tiah kan in ti tawn mi kha, Tuzan cu a donghnaak a si cang lai… Mang dawh tein i din cang mu far hniang.

Ni nih an Linh kho ti lailo, Ruah zong nih hna an hnawh kho ti lailo, Van cung khua um mi Pa Pathian nih na Mitthli in hnawh piak ko seh.

Thaizing CDM ah na bau cang lai, Innchungkhar sin zongin na bau cang lai, Hawi le komh le thirual sinin na bau cang lai, ASINAIN kan thinlung chungah na cam peng lai far hniang.

Ram le Miphun nih kan in ngai tuk te lai far hniang aw!Upatnaak kan in peek far hniang.Bye bye bye..By: OCLC

Be the first to comment

Leave a Reply

Your email address will not be published.


*