Sumilam 72 chung dai tein um rih ding timi bia zong khi ralkap hriamnam a si.

UN le ramdang cozah nih cun ralkap dohnak ah zei pipa an tuah khawh ding a um bak lo. Sipuazi phihnak le visa phihnak lawng an tuah khawh, cu nih cun ralkap harnak a pek lem lai lo, rammi lila harnak a kan pek lai.

Sumilam 72 chung dai tein um rih ding timi bia zong khi ralkap hriamnam a si. Ni 3 chung ah ralkap nih a herhmi ralkap cozah tling tein ser dih i mizapi an thinhunnak daihter an duh bia a si lai. Nithum hnu ah cun lam an zawh duh ti lai lo, an zawh zong ah ralkap cozah tling tein ser cia a si lai caah hmual ngei deuh in an control khawh cang hnga.

Cheukhat nih lam zawh ahcun ‘ralkap nih aa-naa an ting dih sual lai, atu cu aa-naa an control lawng a si rih, an ting thlu rih lo’ timi biachawk an vahpi hoi. Atu khi an ting viar cang khi, ting ding a tang ti lo.

Tuni lam zawh a um lo caah thaizing kip lei zong lam zawh a um hlei lai tiah ka zum lo. UN le ramdang cozah statement chuah luala hna cu ralkap nih zei hmanh ah an rel lai lo. Kan ram kong ruah ah lungthin a fak hringhran ko.Credit-Salai Lungthli Tum

R.I.P Breaking News Hakha inn kanghnak ah minung paruk nunnak liam 2021 February 2 zinglei sang Hakha Dillo sang Pu Hrang Cung inn kanghnak ah minung paruk an nunnak a liam tiah theih a si.

“Mei hi kan inn tang in aa thok. Kan chungkhar dihlak minung pahra kan si. Pali kan chuak manh” tiah inn ngeitu nih a chim.

A taang minung pali ruak an kawl cuahmah. A kangh chih mi hna chung ah kum hnih ngakchia (an fa ngakchia cem)aa tel.
Credit-The Hakha Post

Be the first to comment

Leave a Reply

Your email address will not be published.


*