Sule ka phak cu ka khuaruahhar taktak, lam zawhtu phu khat tal hmanh ka hmu hna lo


Tuzing phone line an thah dih lio kha Yangon khuachung ah ka kal, kei ka ruah ning ah cun lam zawhtu tam taktak an um cang lai, 88 lio bantuk ralkap duh lonak an langhter len cang lai i a herh ahcun kai tel khawhnak lam in i tel ve ding ka tuak cia.

Nain, Sule ka phak cu ka khuaruahhar taktak, lam zawhtu phu khat tal hmanh ka hmu hna lo. Khuachung ah police le ralkap zong ka hmu hna lo. ATM a bawhmi phu lawng ka hmuh hna. Yangon cozah zung hmai ah USDP pawl lawmhnak hla an sakmi cu ka hmuh. A mak ngai ka ti. Atu ning in cun vawleicung ah Myanmar hi aa-naa ting fawi bikmi ram si dawh a si.Credit-Salai Lunthli Tum

Adang relthan:NLD hitluk a cakmi hmanh zaankhat ah pakhat hmanh tanglo in vatebu hlawm in an hlawm hna.Mipi nih zeitluk an tanh timi an hmuh ko nain zeite ah an rel hna lo. Hlutdaw chungin ram sersiamnak lam hi a hla tuk meisei cang. An duhningin phung an suai lai i, an huam caan poh ah uknak an lak than lengmang ko lai. A chanchan in, an i chaan lengmang rih ko lai. Tutan zong kum 1 an ti lai nain kum 10 maw, kum 20 maw, caan saudeuh zong a rau kho. Voikhatte power an kut cungah chiah hnu ah, midang sinah va chanh than timi khi an celh ti lailo.

1962 ah uknak an lak i, 1974 lawngah Phungram thar he 1988 tiang an kan nawnnawk. 1988 ah uknak an lak than i, Phunghram thar he 2010 lawngah thimnak an tuah. Cu hmanh cu anmah himnak le ikulhnak lawngte, a sathawtnak viale an ihui cia dih. Atutan hi kum zeizah a rauh lai chim khawh asilo.

Cu caah kan Miphun ah kan ifun i, a lamkip in kan thazaang kan thawnter a hau. Tlangcungmi tampi cu an rak ifiangtuk cang. Atuhi kan hnu rihlo; kan duhmi le kan khel hnawhchanmi kan khen khawhnak dingah cun; lam pakhat lawng a um cang.Credit-Ram Theithei

Be the first to comment

Leave a Reply

Your email address will not be published.


*