Sualnak ngeilo mipi/nu le ngakchia tiang a that cuahmahmi hna lei aa tangmi ka u Cung, ( Andrew Ngun Cung Lian) cu atu suimilam tlawmpal ah ka facebook in ka delete colh cang lai.

Keimah hi “Freedom of speech” a upat ngaimi pakhat ka si ve bantuk in, keimah zong zalawng tein ka opinion/ruahnak ka chim i, ka chimmi cungah zalawngte in comments tthalo a pemi an um zong ah “like” ka hmeh piak peng tawn hna. Aho hmanh ka block i unfriend ka tuah bal hna lo.

Asinain  sualnak ngeilo mipi/nu le ngakchia tiang a that cuahmahmi hna lei aa tangmi ka u Cung, ( Andrew Ngun Cung Lian) cu atu suimilam tlawmpal ah ka facebook in ka delete colh cang lai.

Mipi lei aa tangmi paoh nihcun, keimah bantuk in rak tuah cio ve ulaw thil ttha a si lai tiah ka ruah. Zeicatiah, kan facebook cio ahhin biapipa tampi kan ceih i, biathli tampi a um pah ttheu caah, kan ceihmi le kan chimmi vialte, khuachia a hawile sinah a phakpi lengmang lai caah, cut off tuah lawlaw a tthami minung a si cang tiah ka ruah.Credit-Zasang Cinzah

Laimi Phun Hna .Nihin-tulio kan boruak cu hngakchia upa in kan thinlung a zaw i kanmah le sining cio in kan tuar ngaingai cio hna, a hleikhun in Kawlram chung khuasa miphun hawi vialte hna nan intuarnak le nan lungretheih vansannak vialte nan miphun hawi a simi vialte nih kanmah le kan umnak hmun cio in hmunkhat te ah kan in tuarpi hna. Bawipa nih teinak a kan pek hrimhrim lai ti zong Pathian min in kan iruahchanh ko.

Miphun hawi hna, tulio caan hi pakhat le pakhat, phukhat le phukhat i soisel le i thangchiat caan a si hrimhrim lo hi. Midang/phudang kan soisel hna le kan ngiat lengmang hna nak in “KEIMAH PUMPAK NIH TEH ZEI TI LEI IN DAH KA MIPHUN HAWI CAAH KAI ZUAM VE LAI” ti tu ruat in, Thlacam kho nih thlacamnak in, Chawva pe kho nih chawva peknak in fimnak a ngeimi nih kan fimthiamnak chuah in, kanmah sining pahrang cio chuah tuin hmunkhat ah kan tuan caan a  si deuh cang.

Chim caan a silo, tuah caan a si. I soisel caan a silo,ilungrual caan a si. Itthen caan a silo, i funtom caan a si cang.

Minung pakhat le khat, phukhat le khat kan ruahnak le kan lam cu ai khat lo kho ko,… kan itinh mi kan kawltung cu TEINAK hmuh duh cio a si ko lai. Cucaah CHIN miphun vialte Sertu Pathian zohchih in hmai ah ralttha tein kal ko hna u sih, teinak cu Bawipa kut ah a um ko.

Online chung catialtu vialte hna zong nih a diklo mi le mah nih hngalh setmat lomi catial hi rak kan hrialpiak hram cang u law a tha lo maw?. Nangmah pumpak $$ phaisa hmuhnak menmen ah maw Pathian dawtmi CHIN MIPHUN vialte thinlung vaivuan in nan kan tuah/chiah ko rih lai?. Midang cungah thatnak kan tuah khawhlo hmanh ah thatlonak le ithentheknak rungrul kan silo hi a biapi lo maw?.

Lungrual cu kan teinak.Dawtnak nih midang sualnak a hmuhpiak ballo.. Pathian cu dawtnak a sibantuk in kannih Dawtnak le zawnruah he KAN ITINHMI KAWLTUNG LEI AH DAWTNAK HE..By-Olivia Nu Cinzah

Be the first to comment

Leave a Reply

Your email address will not be published.


*