Zalong Tein Duhphawrh Lamzawhnak

Dimawkaresi i a muru ah aa tel ve ti khawh a simi pakhat cu zalong tein mibu in maw, pumpak in maw duhpawrh lamzawhnak hi a si. Universal Declaration of Human Rights caang 20-nak zong ah ahopoh zalong tein daihnak he a bu in um khawh timi a um. Hihi vawleipi nih a pommi a si ti khawh a si. (ram uknak chiakha dah ti lo zulh khawh i zuam a siCun Myanmar 2008 phunghrampi dal 8, caang 354 (b) nak ah hriam i put loin daihnak he a bu in um khawh, duhphawrh lamzawh khawh timi a um.

Amahbel 354-nak ah sermi upadi he aa kalh loin timi rikhiah cu a um. Sermi upadi timi ah 2016 i an sermi Daihnak he a bu um khawh le duhphawrh lamzawhnak kha aa tel ve. Cu caah rammi nih daihnak he duhphawrh lamzawhnak tuah kan duh a si ahcun Daihnak he duhphawrh lamzawhnak upadi (2016) kha zulh a hau hnga. Mibu kan si pek, pumpak in tuah kan duh pek ah mah upadi zulh ding t’uanvo kan ngei. 1982 Myanmar Citizen Law caang 12-nak ah rammi nih rampi upadi a zulh lai timi a um.

2016 upadi ning ah 2016 i an sermi daihnak in duhpawrh lamzawhnak tuah a duhmi nih a hlankhan ni 2 suimilam 48 duh in Peng palik lutlai sin ah ca in thawng an thanh lai ti a si.midang sin ah thanh a ngah lo.Theihter nak tuah lomi cu Minister pakhatkhat nawl peknak a si zong ah tuah khawh a si lo. Khuabbawi hnatlak nak zong in tuah a ngah fawn lo. Upadi ning in kalpi hrim a hau.Cu theihter nak ca chung ah duhphawrhnak tuah an i timhnak a ruang, lamzawhnak lamthluan, a ni le au duhmi biafang pawl kha aa tel lai.

Cun hrihhawrhtu hodah a si lai, minung pa zei zah an si lai timi pawl zong aa tel lai. Cun phu pakhatkhat CSO an si pek. nih tuah an duhmi a si ahcun an biachahnak asiloah record zong aa tel chih lai. 2008 phunghrampi nih zalong tein duhphawrh lamzawhnak a kan sianh ko nain 2016 upadi ning in zulh hrimhrim a haumi a si ve. Cuti theihternak um hmasa loin tuahmi duhphawrh lamzawhnak cu upadi he aa kalh ti khawh a si.

Theihternak tuah hmasa loin mah nawl in daihnak he duhphawrh lamzawhnak a tuahtu cu thla 3 nak tam lo thawngthlak maw, tangka 30000 nak tam lo liamter maw, a pahnih fonh zong in maw sualphawt khawh a si. Voi 2 nak a buar nawlh a si ahcun kum 1 nak tam lo thawngthlak maw, tangka sing 1 nak tam lo liamter maw, a pahnih fonh zong in maw sualphawt a si lai.Upadi zulh cu himnak a si.Credit-Salai Thawngpi

Be the first to comment

Leave a Reply

Your email address will not be published.


*