SSPP/SSA Hruaitu hna he i ton dingah an hruaimi pakhat lampi ah an thah

Shan ram chaklei Kyaukme, Nawngcho peng chung rithaisi dohnak lei ah a cawlcang ngaimi pakhat cu SSPP/SSA hruaitu pawl he ton dingah hruai a si hnuah an thah tiah theih a si.

May 28 zing suimilam 7 hrawngah Shan State Progressive Party- SSPP/SSA ralkap 50 hrawng nih Nawngcho, Nawnglung khua mi Lung Pa Sein kum 50 hrawng cu SSPP/SSA hruaitu hna he i ton dingah tiin an hruai mi a si.

Hi kong he pehtlai in khuami pakhat nih “Lungpasein cu RCSS/SSA he fonh in SSPP nan kahdoh tiin hruaitu hna sinah thil sining na chim a hau tiah an hruai mi a si. RCSS le SSPP hi an i rem lo caah an puhnak cu fianter a hau tiah a ruah caah a zulh ve hna. An i ton le ton lo cu ka hngalh lo, khuami nih lamkam ah thi cia in kan hmuh. Meithal kuan nih a lu ah a khen mi a si” tiah a chim.

Lung Pa Sein hi mitha, khuami caah a thahnem ngai mi a si, rithaisi dohnak kong ah a cawlcang ngai mi a si.

Kan hnu 2021 January thla zongah Tibaw peng Kungta khuabawi Lung She Han cu SSPP/SSA nih an hruai i ramlak ah an rak thah bal tiah theih a si.taifreedom The Chin Post

Ralkap nih Uk nak a lak Kaa ahkhan Ka chim mi cu CDM lawng in zeitin hmenh in kan tei lai lo Ka rak ti.

Ka hawi le Minung tam ngai nih an duh lo, CDM in kan tei hrim hrim lai ti a si. A si lo ee, kan tei lai lo eee.

CDM lawng in zeitin hmenh in kan tei lai lo Ka ti hna. An rak duh lo caah pumpak in rem lo nak tiang in an ka ti. Kei cu Ka chim mi cung ah fek tein ka dir ko, pumpak in an Ka huat zong ah ka chim mi cung ah ka dir thiam thiam ko lai.

Chin Miphun Aiawh in dohthlennak a tuah mi hna CNF/ CNA hna hi a liam cia kum 10 lio khan hitin hin dohthlennak kal pi uh sih kan ti hna an rak duh lo. An duh lo caah kan mah hna bia in zeitin hmenh in kal pi awk a that lo caah kum 10 chung an hnu in kan zulh ko hna.

Ka bia fak ngai in Ka rak chim mi cu hi ti ning in dohthlennak kan kal pi, ahcun kum 1,000 hmenh tuan uh si law, kan duh mi kan phan kho lai lo ka rak ti hna.

Nihin Ni a tu lio, caan a biapi lio ah a tuah zia a tuan zia kan thiam lo i kan tuan sawhsawh ko ahcun teinak lam cu a um hrim hrim lo.Der lei Zubui Ek ceh bantuk men kan si te ko lai. Credit-Salai Ceu

Be the first to comment

Leave a Reply

Your email address will not be published.


*