Sopum ah ralkap nih meithal zuun nga leng puah

Thantlang Peng Vanzang Tlang chung Sopum khua April 27 zaan ah ralkap nih meithal zuun nga naktam an puah, a ruang bel kan hngal lo, tiah khuami pakhat nih The Hakha Times ah a chim.

“Kannih khua hi ralkap an umnak a sau cang nain hnahnawhnak ngaingai an kan pe bal lo. Biakinn zong zaan hmanh ah kan i pum. April 27 zaan zong pumh kan tin khawhka 10:10 PM hrawng ah meithal an puah. Zinglei zong tha tein kan tho ko i zeiruang ah dah meithal an puah ti cu kan hngal kho lo,” tiah khuami pakhat nih The Hakha Times ah a chim.

Hi kong ah cheukhat nih, “Suimilaam 9:30PM hrawng ah zuun thum an puah i 10:00 PM hnu ah zuun thum an puah than,” tiah an chim.

Sopum kha ah hin ralkap 20 renglo umhmun khuar in an rak um nain atu hi Lungler sakhaan ah aa thial mi an um ca ah pakuahra lawng an taang, tiah kan theih.
PhotoFacebook The Hakha Times

Tedim Khuachung ah Bomh Voi Puak.Tedim khuachung ah tu zaan ah bomb voi 2, suimilam pakhat dan in an puak, tiah Tedim ca in ttialmi thawngzamhnak pawl nih an langhter.

“Tuzan sml. 7:45 ah Tedim, Myoma sang, Suimilam Tower (နာရီစင်) pawng ah bomb voi khat a puak. Cun, sml. 8:50 hrawng ah Sakhollam sang ah voi khat a puak tthan,” tiah Tedim thawngzamhnak nih an langhter.

Bomb voi 2 suimilam pakhat dan in an puah caah Tedim mipi leng chuak ngam loin innchung ah an i dup hna, tiah an langhter chap.The Chin Journal April 27, Hakha

Be the first to comment

Leave a Reply

Your email address will not be published.


*