Sihni Salai Dawt Cung Lian an Inn ah Gas a Puak i a Nunnak a Liam

Mandalay khua ralkap uknak duhlo cawlcanghnak ruang ah tlaih a tongmi pawl biaceihnak ah bawmhnak a pe zungzaltu Sihni Salai Dawt Cung Lian cu Mandalay khua an umnak inn ah Gas dur a puak i a nunnak a liam.

Mandalay ah tlaih a tongmi pawl minung tampi luat ding in bawmhnak a petu a si bang in mi theihngalh le dawtu tampi a ngeimi a si i, atu bantuk in a nunnak a liammi kong ah Mandalay khuami tampi nih online zong in ngaihchiatnak an langhter.The Chin Journal April 18, Yangon

Adang relthan:Rul a si ti na hngalh ko nain na zohkhenh ahcun an cuk te lai. Ni khat cu chiandeih a rawlțam tuk i a awn. Ka thih zong si le thi ko ning, zeitikhmanh ah hramh cu ka ei bal lai lo tiah a ti. Cu a awnh thawng cu caw nih an theih. Cu tikah caw nih hi chiandaih a nun chung cu kan him lai lo. Cucaah amah hi a lungtluanh kan i zuam lai i a leiah kan dir lai. Zeipaoh ah kan lungtlinpi lai an ti. Zeicahtiah an him nakding an ruah caah a si.

Chiandeih nih an saram hawi zeitluk in a seh a thah hna i a ei hna an hmuh ko hmanh ah anmah him nakding a si le kanmah kan him paoh ahcun a za, a poi lo an ti i an dirpi țhiamțhiam.

Cu lio ah caw nih an hngalh lomi pakhat a um. Cucu an hawile saram dang a seh dih hna i seh awk ai hmuh lo tikah kanmah chung hin kan hnulei in pakhat hnu pakhat a kan seh te lai ti kha an hngal lo. An hmai i a ummi hramh lawng cu an ei i hnulei i her i zoh an hngal lo. Hnu ah a ra te dingmi thil kha an tuak ti lo.

Saram dang a seh dih hna in kanmah a kan seh ve te lai ti kha an tuak lo i chiandeih cu an dirkamh peng. A kan seh ve sual lai ti an phan i an țih ruang zongah a si lai cu.

Ralhrang ralkap an si ti kan hngalh ko i anmah he kan i chawnhbiak le rian kan țuan ți le kan dirkamh hna chung paoh an tangah kan um peng i zeitik caan paoh ah an kan seh khawh ti kha hngalh zungzal ah a țha.
By-Salai K. Biak Lian Thawng

Be the first to comment

Leave a Reply

Your email address will not be published.


*