SAWMNAK Tuko a cangmi COVID19 ruangah Malaysia ah khuasa mi kan miphun hawi hna harnak phunphun an tong ve.

Hi lio ah kan sikhawh chung zuam in pumpak le chungkhar tete in bawmh a herhmi hna kan zuan hnawh ve hna. Kan nih hi an mah Malaysia miphun hna he riantuanti kan si tikah, kan miphun ngeihmi buu le hruaitu hna zong nih tampi theihmi kan si lo (lenglei chuahter loin kan miphun ngeihmi buu kan bawmhmi zong an um).

Kan i hmaithlak mi cu, kan tuah khawhmi tu kha thatho tein tuah a si. COVID19 thok ka in nihin tiang ah pumpak le chungkhar in bawmhnak kan pekmi hi Malaysia phaisa in tuak ahcun thongsawmli renglo a si cang. Pathian le petu hna dihlak cungah kan i lawm.

Tutan hi Malaysia um Chin ralram hna i an fale hngakchia cacawng mi hna pawl kha hmaithlak deuh in zuanhnawh kan duh. Asinain, COVID19 ruangah hrenhkhumhnak caan zong avan sauh deuh tikah bawmhnak a herhzat in pechantu hmuh ahar deuh ngaingai. Cucaah, hi hngakchia hna le an chungkhar herhbau pawl bawmhnak ah ‘mah siantawk le tikhawh tawk’ tein tel a duhmi poh kan in sawm hna. A tlawmtam kan buaipi lo, na siantawk tein na pekmi nih khan thathnemnak tampi a chuahpi ko lai.

Pekchanh a duhmi paoh nih, keimah zong pehtlaih khawh ka si. Nan mah tein tuah nan duh ahcun, kan langhtermi bank account ah khin pek khawh a si ko.

Bia kilh: Facebook chung in tlangau le thil tuahmi langhsar hi kan company nih kan uar mi, duhmi le tinhmi zong asilo nain, tutan cu tuah ah atha ko lai tiah kan ruah caah ka partners hna he hnatlaknak tuah in sawmnak kan rak tuahmi a si.Nan dihlak cungah kan i lawm. TJD Credit-Ram Nun Cung

Be the first to comment

Leave a Reply

Your email address will not be published.


*