Sawmnak Ramkhel Nainganzi politics cu kan ram sersiamnak ah a biapi bikmi a si i Mipi nih kan theih aherh ti cu kan i fiang cio cang.

Sawmnak Ramkhel Nainganzi politics  cu kan ram sersiamnak ah a biapi bikmi a si i Mipi nih kan theih aherh ti cu kan i fiang cio cang.  Cu caah Ramkhel le upadi kong he pehtlai in kawl ca rel aa harhmi,   kawl ca relthiam buin rel ding cauk cawknak a hngal lomi, ca relduh ko buin caan a pe kho lomi nu le pa,  u le nau hna caah caan tawi te chung ah ramkhel le upadi kong he pehtlai in rel le theih khawhnak ding timi ruahchannak he www.salaidokhar.com website cu ser a si cang.

Hi website ah hin keimah Salai Dokhar tialmi lawng si loin ka hawikom ram dang ah Scholarship in ramkhel le upadi lei he pehtlai in Master,  Ph. D a kai liomi hna,  cun kawlram ah Sihni a ttuan liomi hna le kawl fimthiam sang pawl nih an tial ciami capar hna Lai cain lehmi hna zong a tel chih lai. 

Cu si caah Salai Dokhar facebook page le a dang dang group ah mipi rel khawh ding in kan rak thlahmi ca pawl hi caan pek in nan kan rel piak cio ding le theih nan duhmi kong hna biahalnak nan kan tuah cio ding le kan tialmi ca kong ah ruahnak nan kan pek cio ding in toidornak he kan sawm hna. Nan dihlak cung ah lawmhnak tampi ka ngei. X’mass nih a chuah pimi  daihnak le lawmhnah nan Cung ah tlung ko seh!  Amen.
Credit-Salai Dokhar 9/12/2020

Be the first to comment

Leave a Reply

Your email address will not be published.


*