Sandah a piah tawnmi Hakha mino kan uar tuk hna, kan upat tuk fawn hna.

Sandah a piah tawnmi Hakha mino kan uar tuk hna, kan upat tuk fawn hna. Nain, lutlai pawl an khuakhan khi ka huat ngai tawn, herh lomi nawl an chuahmi tam tuk ka ti.

Ralkap an cian deuh ruang ah lam zawh rih lo ding biachahnak nan tuahmi cu a tha ngai ko. Mipi himnak a si. Nain, umkheng tum tiang nan khap chihmi cu sullam um ti lo. An kan terh le cangka in surrender tuah colh cu phung si lo, an kan nek thai lai.

Thaizing thawk cun lamzawh ai relrem rih lo nan ti zong ah umkheng tum tal cu khap hram ti hlah u. Mah le inn cio in tum cu tih tuk awk a si lo. Kei zong Yangon ah ka den peng ve ko hi, lam zawh cu ka tih pah ve i.
Hiti siarem lomi sawh piak ruang ah nan thin hun than si le thah ka tim than ko u.
Credit-Salai Lungthli Tum

Na Ngamh Ahcun Ra Tlung Ca Na ral that ngai ko ah cun ziah mi phun caah na nun nak na pek ve lo chim lawng in chim tuah ngam tung lo. Meithal puah hmanh na thiam lai lo. Na ngamh ahcun van ra law hmun khat ah miphun caah kan nun pe hna uh sih na ngamh maw? (Antho Ny CNA)

Keimah: Ngamh tuk hme teh. Zeiruangah kawl ralkap cu ka țih hna lai? Kei cu Myanmar ram chungah ka rak umnak hmun a tam tuk, a kenkip ah kai țhial. Kawl ralkap konglam hngalh na duh ahcun ka call law rak ka hal. Kaan chimh lai.

Kan ram ka rak um lio ah hin kum 2000-2006 tiang hriam tlai a țuanmi (Palik) ka si. Ka umnak cu Shan ram deuh ah a si. Palik kan si nain ralhratnak hmun a si ruangah Shan ram nichuahlei ralram ah an kan kuat i ralkap he ral kan doh ți peng. Nifatin in ral kan tu peng. Chin mi minung panga kan si i ka hawile hi Mindat le Paletwa an si. Kanmah chin mi lakah minung pakhat an tlaih i minung pakhat a el ah an kah. Cuticun kawl mi lakah kanmah panga cu kan um ve. Khoika hmun paoh ah kawl pawl nih Chin miphun namnehnak bia an chim ahcun hmaisuang ah dir in ka dohpi zungzal hna.

Halkha ka rak i țhial ah hin laitlang palik bawizik (Police Chief) rawlchumtu pa (Si Thu) nih kan hawi, lai pa thingtan in a tuk (Chikkhat a thi, minutes 25 hrawng) i a zam diam. Rawl a chumhpiakmi palik bawizik pa nih a inn chungah a thuhter. Zeihmanh hngal loin lai le kawl an buai an ti i kawl pawl an dihlak in an chuak i lai palik pawl cu an i thup an zam dih.

Asinain keimah nih lai (Chin) mi palik paoh ka auh dih hna i hmaisuang ah dir in laitlang palik bawizik inn ah kai kalpi hna. A inn chungah ka luhhnawh i meithal, pistol in kah a ka timh. Ka țih lo ruangah a ka kap ngam taktak lo, a pistol cu a chiah țhan i koh tuknak fung in voi nga a ka tuk hnuah Halkha palik sakhan fon a chawnh hna i kanmah lai mi tlaih ah kawl palik bokhat pa (နယ်ထိန်း ခေါင်းဆောင် ဒုရဲအုပ် ထိုက်လင်း) le a hawile minung (15 ) hrawng meithal he an ra.

Tlaih an kan timh, a bikin keimah, asinain thil sining țha tein ka chimh hna. “Nan tlaih dingmi keimah ka si lo, anmah pahnih (Palik bawizik pa le a rawlchumtu pa) khi nan tlaih dingmi hna cu an si. Mi a thah i sakhan ah theihternak tuah loin a rawlchumtu a si ruangah a inn chungah a thuhter, cucaah anmah khi nan tlaih dingmi hna cu an si. Kanmah nan kan tlaih ahcun atu nakin a buai deuh chinchin lai,” tiah ka ti hna i ahohmanh nih an kan tlai ngam ti lo. Palik bawizik pa le a rawlchumtu pa ti le an tlai ngam fawn țung hna lo i an kan kirtaak colh.

Hriamnam tlai ka țuan chungah hin khoika hmun ka umnak paoh ah kawl pawl nih Chin miphun namneh in bia an chim ahcun ka tuk doh hna. Cu ruangah voihnih thong chungah ka rak lut bal. Senthum (တပ်​ကြပ်ကြီး) pa nih hin Chin mi a rak kan neek ngaingai. Cucaah kawl pawl nih Chin soh, chin paloh ti an chim peng. Cu ti an chim lengmang ruangah meithal in an karkalar i ka kah hna ruangah kuan lebang cu tam lakte ka rak cawi tawn.

Chim duhmi cu kawl ralkap le kawl miphun khi kan țih peng hna ruangah kan țihmi hna an hngalh i kanmah tu an kan namneh ngam. A taktak i dironh le ralrinnak pek le aukhuanhnawh ve i anmah nih an kan ngamh bantuk in țih loin ngamh ve le zuanhnawh ve ahcun anmah tu an con i hnuah an pil țhan. Miphun dang an si ai tiah kan țih hna i kan ruahning hna bantuk khi an rak si nemmam lo. A taktak ah an ralchia tuk ko, nan țih sawh hna i a si ko.

Chim duhmi cu CNA kha nan ra lut in khua chungah rak kap thluahmah hna u ti khi a si lo. A herh tik ahcun luh ding a si fawn ko. Țih ding a um lo, a herhnak ahcun mipi ralven le nan zawn kan in ruah hna ruangah a si ti zong chim a herh lo. Atu ram a buai lio i mipi an cawlcangh lio hi caan țha bik lio caan a si. Cucaah cun CNA leiin nan aw aan um ve seh law mipi thazaang um chin dingin le mipi nih CNA nih an kan dirkamh ko ti an hngalh i mipi nih CNA zong an in dirkamh chinchin hna nakhnga nan mui tal nan i langh awk a si. Hriamnam tlai a simi nih a herh lio caan ah kan hriamnam kan hman ngam țung lo ahcun kan rian in i phuah lawlaw i țuan loin um ah a țha deuh suaumau.

Mipi he CNA he tiin kap hnih in i dirkamh veve ah hin dakaw hmual a ngei i teinak hmuh a si cu. Halkha le Thantlang palik khi CNA nih voikhat tein ralrinnak vun pe hna u law an cawlcang ti lai lo. Cunglei an bawile nawlzulh lo țih ah tlangrian thawh in an i thawh sawh ko lai. Na fiang men ko lai.Ram le miphun ca i rian nan țuannak ah Bawipa nih in dirkamh zungzal ko hna seh.
By-Salai K. Biak Lian Thawng

Be the first to comment

Leave a Reply

Your email address will not be published.


*