Salute SGM Biak Ceu(CNA Veteran).SGM Biak Ceu a donghnak upatpeknak

SGM Biak Ceu he in 2011 ah avoikhatnak kan i theih hi a si. Kei hi TB zawtnak ka ngeih lonak certificate lak ah Hospital ah ka rak kal, cu ahcun amah zg cu-cu hospital ahcun arak ra ve. Lawi lei kha ka motor in ka phorh pah i bia zaza kan i ruah.

“Ka u US na phak hlan ah Zei rianttuan dah na si?”tiah ka rak hal.Cun, ram le miphun caah attuanmi a si kha ttha tein a ka chimh. Ram le Miphun caah na rak ttuan bal cu na cungah kai lawm tuk tiah lomhnak bia ka rak chimh. Amah zong arak i lawm tuk ve.

Ka sin i a chimmi bia pahnih.2013 February zarhhnihnak zarhpi ni cu Pu Lian Cung he CC phaisa cazin tuah dingah Pu Van Neih Thang te inn ah kan rak kal. Pu Van te inn kan phak cu SGM Biak Ceu nih a rak len lio a si. Pu Van nih theihternak akan tuah i cu lio a chimmi bia cu “Kanmah cu kan upa/tar cang i zei pipa kan tuah kho ti lo , nanmah mino nih hiti ram le miphun caah nan cawl hi cuh” ati i ai lomhnak mitthli a hai. “Kan ram le miphun cu mino nan kut cungah a um” tiah lomhnak le forhfialnak zong akan chimh.

Zanlei mui chupchap ah an inn ah ka va thlah, cu i a ka chimh rihmi pakhat ka philh khawh lo mi cu “kan ram le miphun hi NGO nih an hrawh sual lai ka phang. Ram rian ah kan i biatak lo ahcun NGO nih kan ram ahrawh te lai “ tiah a ka chimh.

“Pu Biak ,ram le miphun caah na rak ttuan ciami cungah upat le hmaizah kan in pek.”Hi cabia hi kan pu Pu Biak Ceu ruak thlah can ah ,,,A reltu nan zate cungah kai lawm.Photo credit: Pu Van Neih Thang and Biak Ceu.“Rest In Peace “Credit-Benjamin Lian

Be the first to comment

Leave a Reply

Your email address will not be published.


*