Salai Lungthli Tum nih Pu Tial Ling a theihnak kong a van langh ter

Pu Tial Ling hi Chinram tthanchonak ca ah ruahnak le thazaang a chuah kho ding tak tak a si.Pyitawngsu si seh, Chinram ca ah si seh khawika dirhmun poh ah felfai bak in rian a ttuan kho ding tak tak a si.

Salai Lungthli Tum nih Pu Tial Ling a theihnak kong a van langh ter :Kei nih Pu Tial Ling ka theih ning England ka kal hlan 2013 ah Yangon LBC biakinn ah khin pumh dih poah ah The Hakha Post ka rak zuar tawn. Tlap khat ah 500 in ka zuar, nain minung pakhat nih cun thongkhat or thongnga tlap in a rak ka cawk tawn.

‘Kan khirh lai’ ka ti zong ah a duh bal lo, lakphak dinnak ah i lak ko aka ti tawn. Mi tampi ca ah cun 500 hi chim tlak lo a si ko nain newspaper zuar in phaisa a kawlmi ca ah cun san a tlai tuk timi kha fiang tein a theih caah laksawng(tip) a ka pek tawn kha a si.

The Hakha Post ka zuar lio ah cun a min ka rak thei lo, nain a muisam cu fiang tein ka theih. Lai coat ai hruk i a kut ah phaisa bawm ngan nawnmi ai ken tawn kha ka mitthlam ah a tlau kho rih lo, kum 7 a luan cang ko nain.

Nai kha Hakha peng NLD nih candidate an tarmi min cazin ka hmuh, an sining theih duh ah Facebook ah ka kawl hna i Pu Tial Ling hmanthlak cu ka hmuh. ‘Pu Tial Ling an ti lengmangmi cu LBC ah tip aka pe tawnmi kha pei a si ko hi’ ka ti.

Midang cung dawtnak a ngeimi hna cu thluachuah an co ti a si caah Pu Tial Ling bantuk mitha hi thluachuah a hmu hrimhrim lai ka zumh, tutan thimnak zong ah Hakha peng mipi nih landslide in teinak an pek lai ka zumh fawn.Credit-lian lap

Be the first to comment

Leave a Reply

Your email address will not be published.


*