SAC Ralkap Vanlawng nih Anmah Ralkap pawl a Kah Sual Hna, SAC Ralkap 30 Leng an Thi

May 6 ah SAC ralkap Fighter Jet pakhat nih Kachin ramkulh, Moemok peng chung ah anmah ralkap pawl a kah sual hna caah SAC ralkap 30 leng an thi, tiah KIA chimnak nawlngei Colonel Naw Bu nih a chim.

Moemok peng chung i SAC ralkap bu minung 100 leng kha KIA hriamtlai ah an ruah hna i SAC ralkap Fighter Jet nih Van in a kah sual hna hi a si.

Col. Naw Bu nih, “Moemok peng chung ah anmah le anmah vanlawng in an i kap sual. SAC ralkap 30 leng an thi. A dang 80 leng hliamhma an pu hna,” tiah a chim.

May 6 ah KIA nih SAC ralkap pawl hmun 3 ah an doh hna i SAC ralkap 200 leng hliamhma an pu i, a thimi zong an tam ngai, tiah Kachin thawngzamhnak nih an ttial.The Chin Journal May 7, Yangon (Kachinwave)

Nizan ah khan, Thantlang ah Bohmu pa nih khua nupa a ton hna i dai te in kan um ko hna lai, kanmah zong nih hnahnawhnak kan in Pe bak hna lai lo, nanmah lei zong in dai tein umkhawh I zuam ve uh a ti hna i longyi (hin) zun khathnih cio a tthenh hna ti asi.

Ralkap nih cun anmah hruainak tang ah dai te in mipi umter um kha an duhbikmi cu asi. An hmutinh bak asi. Cucu mipi nih kan duh bak lo dingmi cu asi. Ralkap nih anmah nawl in Uk khawh mi kan si lo, (အုပ်ခွင့်မရှိစေရ) ti kha langhter a herh mi cu asi! Cucu rampum huap in cawlcanghnak tuah cuahmah mi cu asi.

Ralkap bawipa chim mi cu, Thantlang khua nupa nih “asi ko kan ni zuamko lai” an ti asi. Anmah lak in Dalan zong an um len te lai tiah Gen Z pawl nih an ruah cang ti asi. Thantlang in Mino pakhat nih a hun ka chimh ning in ka tial!By-Thla Thawng Hlawn Khirh

Be the first to comment

Leave a Reply

Your email address will not be published.


*