SAC ralhrang kut tang rianttuan duh lo ruang ah Mizoram ah a zaammi palik Tun Tun Oo cu nihin ah cuap zawtnak in Aizawl sizung ah a nunnak a liam, tiah thawng kan theih.

CDM aa Telmi Palik Mizoram ah a Nunnak a Liam.SAC ralhrang kut tang rianttuan duh lo ruang ah Mizoram ah a zaammi palik Tun Tun Oo cu nihin ah cuap zawtnak in Aizawl sizung ah a nunnak a liam, tiah thawng kan theih.

Tun Tun Oo hi sianginn cachitu saya Pu Biak Mawia i a fapa a si i Kalaymyo, Tahan ah palik rian a rak ttuanmi a si.

Cuap zawtnak in a kuah i Aizawl sizung ah Operation an tuah lio ah a nunnak a liam hi a si.The Chin Journal June 4, Yangon

Hakha ah Tlaih a Tongmi Nu Ngun Za Tling a LuatHakha, Golf Club sang ah SAC ralhrang nih a Phone chung hmanthlak ruang ah an tlaihmi Nu Ngun Za Tling (kum 17) cu nihin ah a luat cang, tiah thawng kan theih.

Minung pakhat nih, “Sihni an hlan i kumtlinglo a si tiin an chimhpiak hnu ah an thlah tthan,” tiah The Chin Journal ah a chim.

May 28-29 ah Hakha ah minung 9 tlaih an rak tong i May 30 ah minung 6 an thlah hna. Nu Ngun Za Tling telh in minung pathum cu pohma no. 505 (a) in taza an rak cuai hna.

Asinain, sihni tawlrelnak in kumtlinglo Nu Ngun Za Tling cu nihin ah a luat tthan hi a si.

Nihin (June 4) chun zong ah Hakhathar ah minung 2 tlaih an tong, tiah thawng kan theih The Chin Journal June 4, Hakha

Be the first to comment

Leave a Reply

Your email address will not be published.


*