SAC Ralhrang Kut Tang ah Rianttuan a Duhlomi Actor Khanh Si Thu nih Rian Chuahnak Ca a Tial

SAC ralhrang kut tang ah rianttuan a duhlomi Actor Khanh Si Thu nih Myanmar Motion Picture Association (မြန်မာ့ရုပ်ရှင်အစည်းအရုံး) Chairman rian an khinhmi a cohlang lo i, rian chuahnak ca nihin ah a ttial.

Myanmar Motion Picture Association ah Chairman rian a rak ttuan balmi Actor Lu Min le Zin Wine cu Democracy cawlcanghnak ruang ah SAC ralhrang nih an tlaih hna.

Actor Zin Wine hi nihin zinglei ah thonginn in an chuah cang, tiah a fapa actor Min Maw Kun nih a Facebook ah a ttial.

SAC ralhrang do in Democracy cawlcanghnak ah Myanmar lemcang minthang pawl an i tel dih caah Myanmar Motion Picture Association haotu rian khinh ding zong SAC ralhrang nih an i harh ngai cang. The Chin Journal June 7, Yangon

A dang relthan: Mindat Peng I Kahnak: Nizaan Mindat Peng I Kahnak Ah Ralhrang Rallokap 50 Hrawng An Thi I CDF Lei In Pathum Nunnak Liam,Helicopter In An Kah Hna

Mindat peng ah ralhrang le CDF Mindat nizaan June 6 ah hmunthum ah fak ngai in i kahnak a chuak ralhrang lei nih hriamngan in an kah hna, Chemical Bomb an hman,Helicopter zong hman in an kah hna.

Hi i kahnak ahhin Mindat CDF lei in Thang Mang,Han Phe,Ngai Shing Mang hna nih miphun le ram caah nunnak an pek, minung 20 hliam an tuar.

Chawngshung pawng i kahnak ah ralhrang rallokap 40 leng an thi.

Yian khua i kahnak hmun ah Mindat 274 Battalion nih hriamngan in an kah hna i,ralhrang rallokap lei in 10 hrawng an thi lai ti’n ruah a si,ruahning ahcun hliammi zong an um lai. The Chin Post

Be the first to comment

Leave a Reply

Your email address will not be published.


*