SAC Nih NUG Mualphohnak Ah Video Tawi Pakhat An Thlah.

June 8: TCP Thawngpang Neknawi.MZP Nih Ralzam Hna Sinah Sing 80 Man Bawmhnak A Pek.Mizo Zirlai Pawl (MZP) nih Mizoram Saiha le Lawngtlai ah a ummi Myanmar ralzam hna sinah MMK 8000000 (sing 80) man bawmhnak a pek hna tiah theih a si. A bawmhmi hna cu facang, pe, aalu an si. Tangka in tlawmpal a pek fawn hna.
Myanmar a buai lecangka Mizoram ah a lutmi Myanmar ralzam hna biatak tein a zohkhenhtu le bawmtu cu MZP an si. Kan hnulei zongah bawmhnak an pek cang hna. Ralzam kongah Delhi ah kal in India Central cozah Home Minister tiang an va ton. An kan dawtnak hi philh awk a tha lo.

Mipi Nih Mei Man Pek Ti Lo Dingin NUG Nih A Thanh.Caan karlak cozah NUG nih cun tuni ah mipi nih mei man pe ti hlah u, mei man an haltu hna cu dan kan tat hna lai tiah a thanh. Hihi mipi cash thawngpang tha ngai pakhat a si. Asinine mei man an kan hal tikah kan pek hna lo ahcun kan cungah pakhat khat tlung sehlaw atu dirhmun ah NUG nih tuanvo a kan la kho taktak hnga maw tiah cheukhat nih cun an ti ve. (Khit Thit Media)

SAC Nih NUG Mualphohnak Ah Video Tawi Pakhat An Thlah.SAC nih  MRTV ah video tawite pakhat an thlah. Cu video cu NUG cozah i vuanci pakhat a simi Dr. Zaw Wei Soe nih khuachungah bomb a puakmi le rawl ah siivai (poison) kan paih tiah a chimnak a si.

“Bag hmete chungah zeidah a um tiin vun kau ah chikhat teah a dih kho dingmi thil kan sanh. Ei ding na hmuh tikah va ei colh hlah, siivai thalo kan paihmi rawl an um” tiah Dr. Zaw Wei Soe nih cun a chim.Mah video hmangin ralhrang khawngsil nih ramchung hmunkip ah bomb a puakmi hi NUG tang i a ummi PDF thiltuahmi a si tiin sualpuhnak le mualphohnak a hman.

Asinine Dr. Sasa nih cun hi video hi ralhrang nih an tuah chommi a si. MRTV hna cu ralhrang nih lih le hrokhrawl thawngpang an thanhnak a si. Ahohmanh nih zumh ding a si lo, tiah VOA ah a chim.Hi kong he pehtlai in amah Dr. Zaw Wei Soe nih siseh NUG nih siseh lehnak bia an chim rih lo. (VOA) The Chin Post

Be the first to comment

Leave a Reply

Your email address will not be published.


*