Ruat ciammam tein CNF/A nih Ralkap an doh nak cu kan miphun nih kan thlek boh dih cikcek!

“Cu tluk Chin Pa commented pek thiam khawh cu a va mak ve ! Rauh ciammam phu a si! Ralkap doh loin CNF doh lengmangin Kawl Ralkap sitciong kal Facebook online ah kan tuan dih cang ko rua! “

Chin mi zeitin dah miphun dang kut tang Sal tangnak in cun kan luat khawh kun hnga!CNF cu kawl ralkap nih kah an hau lo. Kanmah Laimi nih chët lakin kan kah hna i, kan tei cang hna. Kawl ralkap kan chawn bawmh khawh tuk hna. Thurah buaih pëkawk tläk lawngte kan si. Laimi räl tthat cu a tu a lang thluahmah cang.

Tlawmpalah CDM le CRPH kan vun kah tthan hna lai i, vawlei pumpulukah kan min thang lai. Mah miphun zeirello i miphundang lei a ttang ngammi miphun cu a ho nih dah an kan ngamh lai. Indipendenh zong kan hmu colh lai.

I zuam ko uh. Teinak cu nan kutah a um.CNF cu an hmanthlak zong an telh ti hna lo hih. Soi chih hna uh. CNF soi cu tthawn a si. Fim a si. Ram le miphun dawt a si khah.Mah khi an tär mi hna nih khin an in upat tuk hna lai.

I zuam chin uh.Ruat ciammam tein CNF/A nih Ralkap an doh nak cu kan miphun nih kan thlek boh dih cikcek! Kan tthawn khawh ning cu a taru bak hi te aw cu tluk kawlsal si kan miphun pi nih kan rak tleih chan khawh hi CNFA nih an I fiang kho bak men lai lo mu! By-Chin pa

Adang relthan:Ralkap pawl an cawl kho ti lo,KIA nih ralkap pawl an phomh hna ning hi tih a nung tuk, minung fa celh ding si lo.Atu lio KIA mi kah le mi doh cu mi zeihmanh nih celh ding si lo. Cu hlan ah cun kawl ralkap nih timh ciammam tein KIA an kah hna hnu ah KIA nih an leh tawn hna.

Sinain tutan cu KIA nih an kah hmasat peng hna. Cun KIA an mi kah ning hi zeitluk in dah tih a nun ti cun Ralkap pawl an i ready lo lio te dai te an ih ko lio Deilei suimilam 2-3 hrawngah an kah peng hna.

Ralkap nih an i bochan bikmi cunglei bomb thlaknak an vanlong zong an hmang kho ti lo. Zan a si caah hman awk zong a tha lo. KIA nih kawl ralkap pawl cu dawh taktak in hi zawn ah an hlen khawh hna. Chun ah sisehlaw vanlong an hman hnga i KIA an phomh ve len hnga.

Ralkap pawl an cawl kho lo ti lo mipi an kahmi hna nak fah deuh lengmang in KIA nih an thah cang hna.

Nihin zing delei 2:00 zong ah KIA nih kawl ralkap sakhan 3 an lak than. A minung in 20 an thah hna. An hriamnam tampi an chuh rih hna. Nihin zing deilei an kahmi hna cu Phakanh peng sakhan an si.

A minung in a tlawmbik 20 cu an thi lai. Mah a thimi hna lakah ralkap kuttang ummi palik zong an i tel tiah KIA lei nih an chim.Credit-Tluang Ceu Thang

Be the first to comment

Leave a Reply

Your email address will not be published.


*