Ruah Phu Ngai Tiah ka Ruah Mi Pawl

1. Miphun le ram ka dawt caah…tiah election lio ah a au len mi le MP ai cuh mi pawl khoi ah dah nan um dih. Miphun le ram a daw taktak mi cu harnak aphak tik le mipi an temtuar tik ah an i thup bal lo. An hmai ah dir ding le chanh tu ding an si deuh lo maw? Atu caan bantuk hi ram dawtnak langhter caan asi. Ram a deih lio ah ram ka daw ti cu a fawituk mi le mi zei poh nih chim khawh mi asi ko. Harnak tang i ram dawtu hi kan ram le mipi nih a herh deuh mi asi i cucu MP ah thim kan duh mi hna cu an si.

Atu ah hin CDF hruai tu hna van si ulaw zeitluk in dah mipi nih kan hei in bochan hna hnga mu. MP taktak an si an biakam an tlinh kan ti hnga…

2. Kan ram ai thlen khawhnak dingah ti khawh tawk cio in cawl cangh ding ti asi. Phaisa thawhnak kong ah ram leng ummi lawng maw a tho tu ding hi an si hnga? Ram chung ummi hi teh Hakha, Than Tlang, Falam tbt pawl kan mirum pawl khi teh ziah phaisa an thawh ve timi thawng kan thei bal lo, meithal teh an tlai ve maw?

Ram leng ummi nak in a let tampi in phaisa nei deuh mi nan si tung. Ralkap hnu zul dah ra nan si ziar? Nan mah umnak ram caah cun nan mah tein nan cawl ve nan thawh ve mi ahhin thluachuah a um dah kaw? Meithal tleih teh CDF le CNA rian lawng maw asi hnga? Atu hi dai te um caan asi hnga maw? Ram leng ummi nih hin an neih lo chin te dahkaw miphun le ram dawt ruangah an thawh cu. Cucu miphun le ram dawt taktak cu asi ko hnga lo maw?

3. CDF le CNA cu zei ngai dah an lawh te la ti i cuanh sawh ding men an si lo. An mah pumpak ca men ah nun thap in raltu mi an si lo, kan dihlak caah nun thap in raltu mi an si. Lente ai celh sawh mi an si lo, nunnak pakhat te an neih ve mi hmangin kan dihlak caah kuan fanglak raltu mi an si.

Dir kamh dingmi dir kamh lo, thapek lo pin ah alang in cuanh sawh le thangchiat cu hawi lawh lo ngai asi pin ah derthawm nak chuahter tu an si. Mipi nih kan caah riantuan mi dir kamh le tha pek hi kan rian ngan taktak mi asi ti hi philh hlah usih.Credit-Van Bawi Kam Zaitu

Be the first to comment

Leave a Reply

Your email address will not be published.


*