Ruah ahhin lung a dong ko.Trump nih 2020-2021 caah US nih ralzam 15,000 lawng lak ding in minsen a thut cang ti thawng theih cu vawlei cung ralzam vialte ho hmanh ai lawmmi an um lai lo.

Ruah ahhin lung a dong ko.Trump nih 2020-2021 caah US nih ralzam 15,000 lawng lak ding in minsen a thut cang ti thawng theih cu vawlei cung ralzam vialte ho hmanh ai lawmmi an um lai lo. Congres ah 15,000 lak ding in an chuah pi ah khan Trump nih 30,000 tal cu a ti te ko lai tiah ruahnak ka rak ngei. Nain 15,000 lawng bak in min a thut tak ko.

Ziah hme Trump policy hi ralzam rem lo rumro in ai lak hnga tiah khuaruah har lo awk a tha lo. US ngaingai nih ralzam a kan lak lo ahcun ramdang nih cu tluk piin a ka la fawn hoi loh. Vawlei cung kahnak le dohnak a tam chin lengmang fawn. Kawlram hmanh ah kahnak le dohnak a karh thluahmah. Kanmah Chin state Paletwa peng zong ah kahnak a zual chin lengmang.

NCA min a thu ciami KNU le RCSS zong ralkap he a can ahcun an i kap theu. CNF le Kawl ralkap zong hi a can chuah cun an i kap te ko lai. Kan ram hi tlangcung miphun kan caah cun a him taktak rih fawn lo.

Tihin Malaysia le Delhi ah Chin ralzam him lo bu in maw kan um peng lai. Kan upa te CRC le ACR, FRO pawl an lungrethei bak ko rih lai hih.

Malaysia ah Chin ralzam 45,000 tluk kan um. New Delhi ah Chin ralzam 3000 tluk kan um rih. Kan caah RST innka a pit ti awk a si ko. Tukum nak in kunvoi ah RST innka a bi chinchin.

A zei si hmanh ah Chin kan upa te hna nih US i bochan ti loin Australia, Canada, Britist le Europe ram pawl sinah Chin ralzam kan kong hi tam deuh in kan chim piak kho ulaw kan duh ko. Trump tla sehlaw Biden kai hram seh! Credit-Andrew Tum Tling

Be the first to comment

Leave a Reply

Your email address will not be published.


*