Rohingya ralzaam umnak inn a kaang mi nih minung 7 a kaanghchih hna

Rohingya ralzaam umnak inn cu March 22 ah suimilaam 6 chung hrawng a kaang i atu tiang ah minung 7 a kaanghchih cang hna tiah Bangladesh Palek Chimphuannak Nawlngeitu nih a chim.

Inn a kaang mi a dihlak ah inn 17000 hrawng a si.  Mizapi zong hmunhma himnak ah thial an si. Zeitindah meikaang aa thok ti cu theih a si rih lo.

Adang relthan:ENSF ca ah Pu Rung Hmung le Pi Angela nih $10,000 kutsamh.Chin Ralkap nih anĀ  tawlrel cuahmah mi ENSF ca ah Pu Rung Hmung le Pi Angela nih $10,000 thazaang an chuah, tiah kan theih.

“Tutan zong Wellington New Zealand khuasa Pu Rung Hmung le Pi Angela ( A Hmung & An An) nih $10,000 (thonghra) thazaang an chuah i kan i lawm kho taktak. Kan ram nih a herh bik lio caan, atu bantuk in miphun dawtnak tak he kut an samh mi cung ah kan i lawm tuk. Bawipa nih thluachuah pe chin ko hna seh,” tiah New Zealand Chin Ralkap Regional Committee Chairman Pu Thomas Thang Hlun nih The Hakha Times ah a chim.

Tutan hi a voi hnihnak a si.  A voi khatnak zong ah Wellington, New Zealand khuasa thiamthiam Pu Ngun Za Kham ($5000) le Pu Ca Thawng ($2000) hna nih $7000 kut an rak samh bal cang.Credit-The Hakha Times

Be the first to comment

Leave a Reply

Your email address will not be published.


*