Rawlulh Nun atu le atu ulh ngeih lo cun sullam ngei tein Khrih hnuzulh khawh a si lo.

Khrih hnuzulh hi thluak in fian ngaimi le theihnak in lungthin ah i riahpi ding men a si lo. Nunnak taktak in Khrih nih a rak temtuarnak i hrawm kha a si. Cucaah rawlulhnak nihcun Thlarau he aa ralkahmi kan titsa kha a temtuar ter, a zor ter i, asinain kan thlarau sinak chunglei mit tu kha a vaar ter ve, cuticun Khrih duhnak cu kan lungthin nih a fian deuh chinchin khawh i a keneh zulhnak lei ah cun a kan hruai chinchin khawh.

Rawlulhnak cu Jesuh Khrih duh bikmi nun Toidornak nun cawn a si. Rawl a ul deuhdeuh mi cu an i toidor deuhdeuh i Khrih muisam an cuang deuhdeuh.

Rawlulhnak cu Jesuh Khrih nih a kaa lawng si loin a tak zong in a kan cawnpiakmi a si i, a kan cawnpiakmi dang vialte zong kan pemh khawh nakhnga Bawmtu Thiang Thlarau kan ngah khawh biknak nun cawnnak a si.

Cucaah, Pathian caah rian kan ttuan maw, sianginn kan kai maw, zeidah kan tuah, timi vialte nakin ‘Rawl kan ul maw, Khrih hnu kan zul maw?’ timi hi a biapi deuh!

Bawipa thluachuah nan cung ah tlung chinchin ko seh, Amen! 2021 cun Video zong in peh vima kho ding in thla kan cam hna lai!Credit-Jame Ceu Lian Thang

Be the first to comment

Leave a Reply

Your email address will not be published.


*