Rangon Ah Ralhrang Thawng Petu Meithal In An Kah

Rangon ramthen Hlaingthaya peng No. 11 veng ah a ummi U Sai Lin Zaw (or) Lin Lin cu June 1, tuni zinglei 8 hrawngah meithal in an kah i a thi tiah theih a si.

U Lin Lin hi ralhrang cozah tang i Social Welfare, Relief and Resettlement vuanci  Daw Thet Thet Khine dirhmi People Pioneer Party (PPP) chungtel a si. Ralhrang nih thawngpang petu ah an hmanmi a si. Kum 2020 thimnak lioah ramthen hlutdaw palai aa cuh vemi a si.

Khine Shwee Wa lam le Anawratha lam kil ah an kahmi a si. A rannak in siizung ah an tlikpi nain lampi ah a nunnak a liam. May 5 lio zongah khan a inn ah bomb a puak bal cang.

Atulio dirhmun le boruak ah cun miphun, mipi leirawitu, ralhrang caah thawngpang petu a si tiah fiang tein theihmi cu fimhlawm colh lengmang ding an si ko. Anmah ruangah tlaihkhih, thongthlak le thah tiang a tuarmi an tam tuk cang.

Cucaah cun leirawitu a simi cu miphun khat ee, khua khat ee, chungkhat ee ti um loin.! Than Lwin Khet The Chin Post

Soiselnak Ruangah Ka Tuahmi Ka Ngol Lai Lo.Ca ka ttial ruangah soisel ka ton a tam ngai. “A ca ṭial tam tuk, a ning hngal tuk. A bia a fai tuk. Ngakchia zong a lo. A pum hme maw hme loin. Ṭial a herh lomi te hna a ṭial. Huat a tlai tuk. Aa fimter tuk. Ngakchia hngal te a si” tiin bia dawh loin an ka timi kaa theih pah tawn. Cu lakah naa tel ve a si ahcun hihi chimh kan duh.

Kum 14 ka si in ca hi ka ṭial cang i kum 24 ka si tiang kaa din bal rih lo. Ca ka ttialmi pawl hi lungfim in rak khong ning law a tam ngai ngai ko lai. Cu lakah midang caah sullam a ngeimi a um bangin sullam ngei lo zong a va tam ko lai. Cu nih cun a tling kho lomi minung ka si kha a langhter.

Keicu zei bantuk thil ka tuah paoh ahhin thaizing a thi ding bantukin aa ruatmi ka si i, ka zuammi thil cu tling tein tuah ta a duhmi ka si. Cattial ding ka ngeih a si ahcun voi 100 a si zongah ka ṭial ko lai. Ca ka ṭial ruangah midang ka hnursuanmi a um belte ahcun a si khawh chungin hlonh kaa zuam ve. Nain kan hnursuan lo a si ahcun na ka thangchiat ruangah ka ngol hlei lai lo. A ruang cu thaizing hi ka phan bak lai tiah bia kaa khiak kho lo.

Ca ṭial hi ka dam chung ngol kai tim lo. A caan ahcun minung 2 sining law rianttuantu le cattial tu tiin kai ṭhen hnga ka ti. Nanmah bantukin pahrang dang ka ngei lo. Ka tuah khawhmi cu ka tonmi le ka relmi in midang zawnruahnak he ca ttial a si. Rel a duh lomi hna cu thinhung lo tein unfriend, like le block khawh kan si ko.

Nangmah le keimah life (nunnak) cu ai lo hrim lai lo. Keimah nih ka uarmi kha na caah zeihmanh a si lo kho men. Cucaah cun kan zuammi kan i upatpiak lo hmanhah thazaang zornak biachimtu kan si lo a biapi.

Bia donghnak ah ka ca hi a uarmi hna caah ka ṭialmi i minung 1 caah sullam a ngeih cun ka caah thluachuah tuk a si ko. Cucaah thangchiatnak le soiselnak tepawl kaa theih ruangah ka ngol lai lo. Credit-Nunu NS

Be the first to comment

Leave a Reply

Your email address will not be published.


*