Ramkip le hmunkip um Surngen Techin fapa hna nih kan siang lo tukmi / kan i bochan tukmi

Ramkip le hmunkip um Surngen Techin fapa hna nih  kan siang lo tukmi / kan i bochan tukmi kan PA/Pu asi mi Sayaci H. Lian Tial cu June 14.2021 cawn nikhat nihin ah motor cycle in a pah sual ruangah lung fim loin a um. Hakha cu sii zung ttha a um lo caah Mandalay siizungah an kal pi ko.

Nain Mandalay an phan hlan ah hi vawlei nunnak in a kan dintak hi asi. Surngen hrinso vialte nih kan ngei achiatuk hrinhrang ko. ..Credit-Chawche Bawi Za Kham

Adang relthan:Tulio kan kawlram sining nih thaw-ip tuk in a kan tuah.  A cheu cu an thaw a ip tuk lehpek i Oxygen dawp hau in kan um. A cheu cu a thaw hmanh a chuah kho ti lo i ”thlankhur” tiang an phan. Ngaih a chia hrinhran. 

Azei va si ai kun, kan mawh lo. Thil pahnih, kawl ralhrang le virus nih a kan kar ceh fawn cu teh. Kawl ral hrang nih ni chuah lei in a kan man. Nitlak, India lei in virus nih a rak kan run.

Cutikah, a kar lak ah kan i chep chawl. Inn leng inn chung kan hlat. Lung a dong ziar hih.

Hmailei kong fiang khitkhet te in a kan chim kho tu, prophet kan va herh hrinhran dah. Hmailei ah mah ti cun thil a canglai timi fiang khitkhet te in a kan chim khotu um hnasehlaw, a kan chimh hnga i a tute in, faifim te in kan i tim kho hnga i umtu, khuasak zia le zeitin kan thutdir lai timi felfai tein lungthlehnak kan ngei kho hnga.

Pathian nih hngalhnak a ka pek tiah a rak au khuang lengmang mi hna kha a tu ahcun Pathian a pe ti hna rua lo. A zei, a zei an chim phuang ti lo hih.

Azei vasi ai kun, kawlte nih an chimnak ah,  ”a khuh- siaoh-mah- Nawng-hma-sin” (atu buai, hmailei ah a reh lai) an ti bang, kan buainak hi a reh ve zau ko lai.

Kan buaicawk lai lo, timi tu’in lungcan i pek kan herh ko rua hih!By Chavy Tha Tin Kulh
15 June 2021

Be the first to comment

Leave a Reply

Your email address will not be published.


*