Ramchung Raltuknak Ngan Um Lai – Chinmi dihlak ralrin le timhlamh a hau cang.

Ramchung Raltuknak Ngan Um Lai – Chinmi dihlak ralrin le timhlamh a hau cang.

1) Pa paoh nih meithal hman training tuah ding
2) Nu paoh nih mah vennak (self-defense) training tuah ding (civil war um ahcun, KR nih tlaihhrem zong um kho)
3) Nu, tar le hngakchia caah zamnak le himnak hmunhma ding tirawl he timhlamh hau

CDM-Denamrk tawlrelnak in Dr. Sasa he biaruahnak tuahmi zoom May 23, 2021 ah kai tel kho ve. CDM le NUG lungdong lo le ngol loin a kal hau ti si ko. CDM le NUG cawlcanghnak in Kawl Ralkap (KR) tapung uknak hrawh khawh si locun, PDF silole FA tawlrelpinak in ramchung raltuknak (great civil war) ngan tukmi um te lai tihi si.

Kan dirhmun zoh tikah, thisen luang i, nunnak liam cuahmahmi an um. Khua an kaang, bom an puak, meithal thawng an thang. Nain, KR nih uknak thlah an tim lo. CDM, NUG le PDF nih KR dohdal ngol an tim ve lo. A fiangmi cu a van um dingmi “ramchung raltuknak ngan” hi a tuan le tlai lawnglawng si cang. Tu kum chungah um hrimhrim lai. Ramchung raltuknak ngan a van um taktak tikah, Chinram vengtu ding cu CNA le CDF an si te lai. Cucaah, peng kip in CDF hi CNF tawlrelnak in um a hau cang.

Chinram ah minung tam tuk thisen luannak le thihnak chungin kan luat khawhnak caah, hlankan in tuah dingmi cu:

1) Dalan vialte tlaih dih i, CNF camp ah umter ding (dalan tuahnak in, Camp ah training tuahmi rawl chuanpiaknak, ti thanpiakank  le thing zalhpiaknak cincik he an tuah lai i, kan miphun le ram caah a ttha deuh lehlam ko lai)

2) SAC vialte tlaih dih i, CNF camp ah umter ding (an rian cu 1nk bantuk si ve ko lai)

3) Rian le dirhmun sang i, CDM tuah lomi vialte tlaih dih ding (an rian cu 1nk bantuk si ve ko lai)

4) Chin miphun tthennak tuahmi paoh tlaih dih i, CNF camp ah umter ding (an rian cu 1nk bang si lai)

5) Firkhu media vialte tlaih dih i, CNF camp ah media kong cawnter pah hna in, camp training tuahmi bel-kheng ttawlpiak, thil sukpiak le ihphah fimpiak tbk an tuah khawhmi tete cincik he tuahter ding. A bik in zapi funtomnak rawk seh tiah CNF dohdalnak le chiatnak a ttialmi le chimmi pawl hi tlaih ding.

6) CNF nih computer thiamsang hmang in firkhu le chiahru (tangka lawnglawng ruatmi) media ngiatter ding. Cun, KR cawlcanghnak ngiatter ding in “ramchung raltuknak ngan” um hlanah timlamh hau.

Dalan (pumpak, SAC, non-CDM) le media ruangah kan miphun hi ai tthentthek dih kho. Cun, anmah pawl ruangah minung nunnak tam tuk an liam kho. Hmunkhat ah kan umtti zokzok a hau – minung tam tuk kan thih lonak caah. Cucaah, ramchung raltuknak hi a chuak ding si ko cang caah, dalan, media chiahru le fake news paoh fimhlawm hmasa an hau. An ka phih, an cafung khiah le an rian dinhter zokzok an hau. Cun, tangka le dirhmun lawnglawng a duhmi ruangah midang nunnak tampi a liam kho i, kan ram le miphun KR sal ah a um thai kho. CNF le CDF nih van tawlrel zokzok an hau cang – a thongza in harnak ton lo le minung tam tuk thih lo, kan duh ahcun, van langhtermi hna hi fimhlawm hmasa an hau.

Note: Camp ah cincik he umtermi paoh cu, Federal Democracy kan van sersiam in biaceihzung ah chuahpi an si te lai.Credit,-Van Nun Lian

Be the first to comment

Leave a Reply

Your email address will not be published.


*