Ramchung mipi zeitluk in dah an lungre theih lai timi ka ruah ah holh le biachim zong ka ngamh lo,

Ramchung mipi zeitluk in dah an lungre theih lai timi ka ruah ah holh le biachim zong ka ngamh lo, an temhtuar nak ka zoh ah an hmai ka khap hna lo, ka umnak hmun in ka puhrung, ram mi sinak ttuanvo biatak tein an kal pi, an ttuan i thisen le nunnak an thap.

An tlaih hna, an thah cuahmah hna, Meithal in an sawhchih hna, tlaih ding in an kawl cuahmah hna. Cu lak ah raltha tak in zalam ah an chuak i lungdong loin sandah an piah.

MAH ralhrang nih an kah mi Meithal kuanfang nih an kan khen rih lo, nain kan thi ko cang timi kha nihin a dam rih mi hna ruahnak zong a si, Ralkap nih uknak an lak khawh sual ahcun thih he kan i khat ko timi kha fiang tuk in an hmuh caah, zaan it lo, chun ah i din thiam lo in, lungre theihnak karlak, nilin lak le fahnak , temhtuarnak tampi lak ah hnu an kir lo, hmai ah an fong chinchin.

Keimah te hmanh, a langpar in ka thinlung a zaw, Good Friday timi zong ka hmang kho lo, Biakinn ah pumh le thlacam nak thazaang ka ngei ve ti lo. Hi dirhmun a dih hlan cu Biakinn ka phan lai ka zum tuk ti lo. Kan ram a dam lo i MAH lei a minung nih rampi uknak an lak thai sual  ahcun “Nungna Thih “ timi kan si caah thisen luan hi a phu ko. An thisen nih teinak thantar an kan thlir ter hrimhrim lai timi 100% zumhnak ka ngei i upatnak sangbik ka pek ve hna.

Nunnak a thap mi, nunnak a pe cang mi vialte upat pek bu in.Credit-Salai Cung Dawt

Be the first to comment

Leave a Reply

Your email address will not be published.


*