Ramchung le Ramleng pehtlaihnak fek sehlaw kan ram le kan miphun sersiamti hna usih” tiin kan izuam peng

“Ramchung le Ramleng pehtlaihnak fek sehlaw kan ram le kan miphun sersiamti hna usih” tiin kan izuam peng. Pehtlaihnak a cat lan lai kan phan caah kan Community le kan Khrihfabu cio zongah kan aupi pengmi asi. Isreal mi hna bantukin ram kan ser lai tiah au cio asi.

Australia i CCCA Youth Program in Khrihfabu kip i mino hna cu; “CCCA Youth Chinland Mission Trip” timi minbunh tlangtar in Chinland ah tlawnter dingin tukum chungah timhtuah asi nain Covid-19 ruangah kan thul. Mah cucu “ramchung ramleng pehtlaihnak fek seh, kan fanaule nih kan ram kong, kan miphun kong le kan sining kong thei ve hna sehlaw, kan ram sersiam duhnak ngei hna seh” ti saduhthahnak nganpi he phaisa tampi dih in timhtuahmi asi. US lei CBCUSA Youth, CYONA, le ICBC Youth tepawl zong program an ngei i voikhat/voihnih cu an kal cang. Thathnemhnak tampi a um. An pehzulh theu rih lai tiah ka ruah.

Cu lio ah tukar hrawng ramchung lei hruaitu tampi, pastors hna le mino a za bakmi pawl, kan mifim timi hna sin in; “rak ithlak hlah uh, na ngamh ahcun rak tlung, rak tlung uhlaw rak tuan uh ca, ramleng in rak holh hlah uh” tibantuk an chim le an tial hi a tlawm tilo. Direct in a chimmi an um, indirect in a chimmi zong an um ve.

A ngaingai ahcun Chin State milu zat i 22% hrawng hi ramleng ah kan um, kan tlawmte lo. Human Resource tha taktak asi kan ti, nan ti ve ko. Atuhi first generation (chankhatnak) kan si i, kan ram tlaihchannak kan ngei peng rih. Ahnu in next generation asimi kan nule kan fale chan ahcun pehtlaihnak hi a cat taktak te ko hngalo maw ti hna ka ruat pah. Ngeihchia ngaingai asi ko. Zan ih me a remlo, ruat than rih ko tuah hna usih!Credit-Salai Ram Tinthei

Be the first to comment

Leave a Reply

Your email address will not be published.


*