Ram hruaitu hi Pathian thimmi an si maw?

Bible ah kan hmuhmi cu Nebuchadnezzar nih Babylonian Empire cu Jesuh Khrih chuah hlaan kum 600 ahkhan a rak uk i Bawipa sin in vision a rak hmuh. Cu vision cu prophet Daniel nih a lehpiak. “Cucaah khuazeika ram i a ummi minung paohpaoh hna nih, Cung Nung Bik Pathian nihcun minung pennak cungah nawl a ngei ti kha hngal hna seh. A duhmi paoh kha siangpahrang ah a ser khawh ko hna, santlailo bik hmanh kha a ser khawh ko hna, ti kha hngal hna seh,” Daniel‬ ‭4:17‬.

Bawipa kut cungah ram hruaitu hna hi an um ti hngalh khawh asi. Cucu Bawipa nih aa tinhmi a tlinnak hnga caah hruaitu hi a ṭha he ṭhalo he a kan pek. Nebuchadnezzar zong hruaitu ṭhalo asi ko. Bawipa thei lomi asi i, meiphu chungah Bawipa zumtu hna a peihmi kha asi.

Bawipa nih Isaiah prophet kha bia a thanhtermi cu aa tinhmi a tlin nakhnga Cyrus the Great sin ah ṭhawnak power ka pek lai ati (Isaiah 45:1). Cucu century pakhat le cheu hnu ah Bawipa nih Cyrus cu Persian Empire uk dingah power a pek. Bawipa tuahmi lawngte an si.

Daniel nih a chimmi cu “fimnak le ṭhawnnak vialte cu a ta asi caah Pathian min cu chankhat hnu chankhat thangṭhat si ko seh. Khuacaan siseh, caan kha siseh, a thlen lengmang hna, Siangpahrang kha a ṭhumh hna i a kaiter hna; Mifim kha fimnak a pek hna i a hngalmi kha hngalhnak vialte cu a pek hna;” Daniel ‭2:20-21‬ tiah ati.

Paul nih Roman Empire khuapi chung ah a ummi zumtu Khrihfa mi hna sin ah ca a kuatmi hna cu “Ram uktu bawi kha an nawl va ngai hna u, zeicahtiah Pathian hnatlaknak tel loin nawl ngeitu ahohmanh an um lo i nawlngei liomi hna hi Pathian nih a chiahmi hna an si”Rom ‭13:1‬ tiah ati.

David Siangpahrang le Johan nih hitihin an chim. “Biaceihnak hi nichuahlei in siseh nitlaklei in siseh a ra lo, chaklei in siseh thlanglei in siseh a ra lo; bia a ceihtu cu Pathian asi i a cheu kha a ṭhumh hna i a cheu kha a cawi hna” Salm ‭75:6-7‬. “Pilat nihcun a thawh i, “Na ka chawn duh lai lo maw? Nangmah cu thlah khawhnak nawl le vailam i khenh chih khawhnak nawl ka ngei dah kaw?” tiah a ti. Jesuh nihcun, “Ka cung i nawl na ngeih hi Pathian nih an pek ca lawngah asi. Cucaah nangmah kut i a ka chantupa hi a sual deuh,” tiah a ti.” Johan ‭19:10-11‬

Cucaah zeibantuk hruaitu asi hmanhah Pathian dohtu siseh, Pathian nawlngaimi siseh Bawipa hnatlaknak le aa tinhning in hruaitu hi a kan pek. Minung nih zeibantuk in kan hmuh hna zongah Bawipa biakhiahmi cungah kan ilawmh awk asi.

Bible ah kan hmuhmi cu a caan ahcun ram hruaitu caah ahodah ka pek hna lai tiah Bawipa bak nih pek asi. Cun Bible hngalomi zong, Pathian ṭihlomi zong kha minung nih an duhmi le an ithimmi zongkha Bawipa nih ithimnak nawl a onh hna. Cucu prophet Hosea nih fiangtein a chim. “Siangpahrang kha an ser hna, sihmanhsehlaw keimah duhning in asi lo, bawi kha an chiah hna, Sihmanhsehlaw keimah hngalh loin an tuah; Annih nih an sui le an ngun in siasal kha an iser hna” Hosea‬ ‭8:4‬.

Hi Bible ah a fiang ngaimi cu Bawipa nih a chim bangin “Bawipa nawlbia ngaimi, biatak a dirpimi le dinnak a ṭanhmi hruaitu lawnghi” Bawipa nih prove a tuahmi le a lungtlingmi asi. Adang hruaitu hna hi cu minung duhnak in ithimnak onhmi asi.

Paul nih hruaitu uknak kongah Khrihfami hna kha hitihin a forhfialmi hna. “Cucaah a hmasa bik ah fial kan duhmi cu, nawlnak le thlacamnak le halnak le lawmhnak biachimnak kha mi vialte caah, kan Pathian sinah tuah usih. Siangpahrang hna le nawlngeitu hna caah daite le remte le Pathian ṭihzah le ziaza ṭha in kan nun khawh nakhnga, thlacam usih” 1 Timote ‭2:1-2‬ tiah ati hna.

Kannih Khrih zumtu hna nih hruaitu hna caah daihnak le Pathian duhning in a kan hruai khawhnak caah thla kan campiak hna awk asi. Jesuh Khrih nih a ti bangin “kan mah duhnak siloin Pathian duhnak” tu in a kalmi le nawlngaimi zumtu si izuam ve hna usih! ““Ka Pa, na hna a tlak ahcun hi hrai hi ka ṭhialpiak ko. Sihmanhsehlaw keimah nawl si loin nangmah nawl si ko seh,” tiah a ti Luka ‭22:42‬. ‬‬

Bawipa nih zeidah a tuah lai? Bawipa duhnak zeidah asi? Zeidah Bawipa nih a kan duhpiak tihi kawl hna usihlaw zeithli paoh a tlun hmanh ah vuivai lotein kan zumhnak tu fektein dirpi hna usih! Bawipa kut ah zeizong vialte a um ko! Congratulations! Joseph Robinette Biden Jr. Credit-James Vanneilian

Be the first to comment

Leave a Reply

Your email address will not be published.


*