Ram dang um mi hna nih Duhlonak langhternak kan pehzulh a herh rih ko

Khrihfa hna nih mithli he thlacamnak in duhlonak langhter ding caan asi. Kawlram ah zalong tein duhlonak an langhter kho tuk lo. Cu lio ah cun, kan nih ramdang um mi hna nih kan zalonnak kha hmang in Kawlram mipi caah, CDM cawlcanghnak caah tampi kan chim kan rel caan asi rih.

Ram dang um mi hawi le. Kan dai tuk ee ka dua le! Facebook ah kan ngaihchiatnak ca kan tial, kan share, a tha tuk ko. Phaisa kan pek, a tha tuk ko. A za rih lo. Lungrual tak in kan mipum, thinlung, thlarau dohlak in kan cawlcang a herh rih ko.

Kan pehzulh rih hna lai! Kan umnak khua cio ah, nikhua zong a tha chin cang. Ramchung mi hna caah kan thazaang langhter kan herh lengmang rih ko. US le Ramdang um hna nih mipi thazaang chuah in dihlonak langhter hi effective bak ko. Atha hnem mi a si. Alak asi lonak a ruang tlawmpal zoh uh sih.

(1). International ram hna nih diplomatic cawlcanghnak caah cakuat pakhat hnih lawng aza lo. Mipi supporters tampi hrimhrim nih kan duhlonak kha kan mipum in i langh ding asi.

(2). US le ramdang um mi News thawngzamh tadin ca hna sin zong ah Kawlram kong tampi advocate kan tuah mi asi. Ram chung mipi hna caah aw aan kan si awk asi.

(3). Ramchung i a cawlcang liomi hna caah le CDM movement kan dirpi hna timi kha kan langhter i ramchung caah thazaang asi.

(4). Burmese terrorist military hna nih an ttih, an hiat takmi cu ramdang mi hna nih duhlonak kan langhtermi ho a rak si. Ram dang ah cun zalennak kan nei caah cu Zalennak thazaang kha an ttih.

(5). Ram dang phanmi hna nih dong lo in CDM kan bawmh hna timi hi Action bak in kan langhter asi caah CDM thazaang a cak chinnak le caan sau deuh chinnak caah asi, effective tuk lai!

(6). Ramdang um mino, upa hna tampi nih Kawlram caah zawn ruahnak, federal democracy caah riantuan a herhnak le kan i fianh deuhnak caah zong ah effective ko.

(7). Chin miphun kan umnak i ramhruaitu politician hna, mayor hna le hruaitu hna tampi nih alan theihpi deuh a kan ttanpi khawhnak asi. Email in cakuat le Statement chuah lawng cu a za loh! An rel hnga maw! Kan mui bak i langh i, kan cawlcangh bu in ca kan pekmi cu aa dang deuh ko. US president sin zong ah mipi thazaang he ca kan kuat lai.

Aruang tampi a um rih. Kan bia tawi ko seh. A round hnihnak Ramdang um hna sandah piahnak caan kan ot than a herh caan asi. Mah le khuakip ah Chin mi nih hruai cio in, Mino hna! nan biartung i let cio u sih law, hi Ralkap terrorist hna hi do tuah u sih! An nge kan den cuahmah cang hna. An i muai cawk lo dingin kan ttan rual a herh rih ko.
Credit-Salai Peter Biak 2007 Safarron Revolution veteran

Be the first to comment

Leave a Reply

Your email address will not be published.


*