Ram Chung I Tuk Doh Nak A Zual Hma ChinChin Lai.

Ralkap nih hnu kir kan i tim lo tiah March 29 ah an chim. Curuangah teinak le sunghnak lawng nih lai a rel cang lai.

1.Ralkap nih February 1 thawkin uknak a lak tikah,February 7 thok in ramchung cu buaihram a thawk ti cu kan theih cio dih.

2.Cu buainak cu a linsa chin lengmang i ralkap lei zong nihcun an lakmi uknak fek thumh in tlaih le cawlcangh in hmainawr an i tim ve.

3.February 1-March 29 tiang ahhin AAPP nih  thawngthanhnak a tuahmi  ahcun minung 510 cu ralkap nih an thah cang hna ti asi.

4.Tlamgcung hriamtlai KNU le KIA/O cu an hmunram ah fak ngai in an cawlcang timi zong kan theih cio dih si.

5.March 28 thawkin ral lakah voikhat hmanh khuasa bal lo,mipi hrim hrim cu Lai meithal hmang in Kalay khuapi ah ralkap an doh thawk cang .

6.NCA timi i min rak thut duh lotu chaklei tlangcung hriamtlai pawlkom biapi bik MNDAA,TNLA,AA cu 2019 September thla in raldaihnak ca an chuahmi cu March 31 i a dih ruangah mipi he tangrual in ralkap do dingin March 30 ah ca an chuah chap.

7.KNU,KIA/O nih hmai an sak i MNDAA,TNLA,AA an cawlcang cang lai,Kalay khuapi ah mipi cu hmaisa in hriamnam he ralkap an doh thawk cang i ramthen,ramkulh hmun tin i khuapi zongah mipi an ngeihmi hriamnam hmang in ralkap an run doh thluahmah cang lai.

8.Tu lio mipi konglam ruat chuahmah in a tu kan dirhmun bantuk a kal thlahmah a si le” Ram chung I Tuk Dohnak a zual hma Chinchin Lai”..By May Myo Moon Lettu:Salai Simon AN

Be the first to comment

Leave a Reply

Your email address will not be published.


*