Ram 3nak in an in forh hna lai.

Ram 3nak in an in forh hna lai. Do dingin nan tha porter an i zuam lai. Nain mipi harnak nan ton zongah anmah a tong dingmi an si lo. Hlingbur lak i nan zaam zongah a zaam dingmi an si lo. Nan thih zongah a thi dingmi an si lo. Midang caah biachim cu a fawi bikmi a si. Laitlang ka tlun khawh lo cu.an i titer lai.

Tlung duh taktak hna sehlaw ram 3nak in India, India in Mizoram, Mizoram in Laitlang luh cu a laang in zawngttah aa zuarh pengmi pei kan si cu, luh a fawi tuk. Nain an rak tlung lai lo. A fiang tuk. Hmurka in midang kha X’mas sa thah forh i, lungthin in.A hrut nih that ulaw a fim nih kan ei lai i si ko cuh. timi ruahnak men ceo kha a si.

CRPH nih zeitik hmanh ah Do hna uh. Kap hna uh. Nam hna uh. an ti bal lo. Yangon le Mandalay hrawng ah ningcang loin thahnak a hun tamtuk hnu in i ven tu an kan fial. Laitlang ah kan i veng ti in ralkap pawl va kah a herhnak a um rih lo. Asinain cucu kan dai lai tinak a si lo. CDM kan tuah tawnmi le a dangdang tete pehzulh in kan tuah peng ko rih lai. Hruhru hranghrang in thil tuah cu zeitik hmanh ah a ttha bal lo. Meithal kuan thlah in i ven a herh bel ahcun kan i veng lai. Ramchung ral a thawh ahcun kan ngeihchun hriamnam he kan chuak lai. Kan pupa hna hmanh pei i runven a herh an ti cang hnu ahcun hriamnam loin an chuah cu.

Laitlang a ummi nan si. Nan dirhmun nanmah nih nan i hngalh bik. Zeitiang dah kan cawlcangh le hma kan lak ah a tthat lai timi zong nan hngalh. CNF zong nih an hngalh. Hmundang in aukhuannak hi nan hna nih cun thei ko seh, asinain fimhring tein bia a khiaktu cu nanmah si zungzal ko uh.Credit-Roro Fambawl

Be the first to comment

Leave a Reply

Your email address will not be published.


*