Ralzam a Runven hnanak ah Lt. Shi Phe a Nunnak a Liam

Karenni (Kaya) ralzaam pawl himnak hmun kalpi ding in ttuanvo a latu Karenni Army ralbawi Lieutenant Shi Phe (kum 30) cu June 11 ah Kaya ramkulh, Demoso ah a nunnak a liam.

June 11 chun ah Demoso mipi himnak hmun kalpi ding in an timh lio ah SAC ralhrang an rak phan i, mipi a runven hnanak ah meithal in kah a tong caah a nunnak a liam hi a si.

Lt. Shi Phe hi Karenni Army ah kum 8 leng a ttuan cangmi a si i, nupi le fa pakhat a ngeimi zong a si.

A nunnak a liam hlan ah SAC ralhrang ruang ah a zaammi Karenni mipi 100 leng himnak hmun ah a phakpi khawh hna. The Chin Journal June 12, Yangon

Demoso i Kahnak Ah PDF 1 Le Mi Bawmchantu 1 Nunnak A Liam .June 11 chun 2 in zanlei tiang Demoso ni chuahlei ah PDF le rallokap pawl i kahnak ah PDF pakhat a nunnak a liam pahnih hma an pu.

Ralhrangbu pawl nih bawmchantu Ko Aye Shwe (Baptist Christian Association in voluteer a tuan mi) cu meithal meithal he an kah.

June 11 i kahnak ah ralhrangbu lei nih meithal ngan he voi tam an kah caah ralzaam hmun ah a um mi hna cu a rannak in thial an si.

Khuachung inn hna kuan ngan nih a khen caah inn zong a rawk mi a um, ni fatin khua chungah meithal ngan in an kah tiah theih a si.

Zinglei ah ralzaam eidin a lami ralzaam 2 cu ralhrangbu nih an thah hna hnuah Demoso peng chung ralzaam umhmun hna meithal ngan he an kah peng. Lweikaw ah a um mi Miakpi ralkap zong nih miakpi he an rak kah tiah thei a si. tachileiknet The Chin Post

Be the first to comment

Leave a Reply

Your email address will not be published.


*