Ralring i peknak

Kawlram (Laitlang telh in) biatak te le fimkhur tein rak i ralring ko uh. Hiti ning cun Kawlram zong khulrang ngai in COVID-19 karh dawh a si ve cang. A thimi zong an karhchin ko lai. Aruang cu i zohkhenhnak le i thlawpnak hriamnam ttha nan neih lo. Sifakmi an tamtuk fawn tikah lengah an chuah i ei awk an kawl a hau fawn lai.

A bik in Kawlram ram innpa a simi India ah zawtnak a neimi hi million 6 leng an phan cang an ti nan an ram mithiam pawl nih an tuak tik ah minung million 60 leng a neimi an phan lai tiah an zumh. Laitlang he ramri a hrawmmi Mizoram zong karhlei a panh chin lengmang fawn, an fel tuk ko nain. Nan theih cio bang India ram le Mizoram hi zawtnak a neimi an rak tlawm lio ahcun saupi karh loin an tthing khawh. Nan India ram nih lockdown a ong hnu in cun rangtuk in a neimi an karh. India, Kala ram deuh in a neimi pawl cu Mizoram ah an rak tlung ve ciammam i Mizoram zong a karh thluahmah ve cang.

Cuve bantuk in India ram le Mizoram le Kawlram lei in a neimi Laitlang an rak lut tik ahcun Laitlang ah a neimi pa 10/20 an um hnu cun rangtuk in a karh ve te lai, chim khawh si lo. Aruang cu Laitlang cu kan fello, sibawi/sayamah ttha kan nei lo, chimh kan ngai fawn lo, sikaan kan nei fawn lo, kan sifak fawn tik ah lengchuah a hau lai, sii ai le i thlawpnak hriamnam ttha kan nei fawn lo. Cutik ah a neimi 10/20 tiang an umte tik ahcun rangtuk in a karh ve te lai. Curuangah cun atu cia in ralring tein nan um a hau lai.Credit-Van Tum

Be the first to comment

Leave a Reply

Your email address will not be published.


*