Ralrin Chin Chin Kan Hau

Tulio covid-19 pulrai hi a zual tuk caah kan siizung zong nizan in covid siizung ah an thlen. Mizaw an tam tuk caah a dang zawtnak ngeimi zong cohlan an si lo.Cu buin ihkhun a lawngmi zong a um lo. Zual tuk zongah siizung kai khawh lo dirhmun tiang kan phan kho.Zei rello phun in um hin hlah u si

Keimah hmanh fak tukin a tuar cang mi ka si i covid rai khu vai pawng i tuaitam peng hi ka sia rem lo ngai. Sau tuk ka tuan cang nak siizung in chuah tiang ka lung a chuak.Khatlei ah doctor cu mizaw zohkhenh ding rian kan ngei fawn. Cu bantuk a har tak mi bia khiahnak tuah hi kai harh saling a si.

Zei kan ti hnga..cozah nih lockdown a tuah lo zongah kanmah tein Delhi ummi cu kan i ralrin chinchin a herh ko. Siizung ah kan unau a zual hma deuh thawng kan theih tikah a dam mi zong lungthin in kan tuar cio. Delhi ummi Chin miphun vialte hi covid pulrai chungin Bawipa Pathian nih teinak kan pe ko seh! Kan zapi te thlacam in kan i bawm hna lai.Dr.Pari

Hakha ah palek motor he aa pah sual mi motor an hrawhpiak i a mawngtu an velh leng ah tangka an chuh.Hakhathar lam Aung Aung petrol dawr pawng ah Ko Nyi Nyi Tun motor le palek motor cu April 13 zaan suimilaam 9:00 hrawng ah an i pah  sual i Ko Nyi Nyi Tun cu ralkap le palek nih an tlaih i an velh, a motor an denpiak dih leng ah tangka sing 13 an chuh tiah kan theih.

Hi kong he pehtlai in Ko Nyi Nyi Tun nih, “Khuachung in Hakhathar lei ah ka tin i Palek Motor a hme mi he kan i pah sual. Ka nawl chih ko hna nain an ka thuat chih. Ka motor chung in an ka chuah i an ka velhchih. Ka motor thlalang zong an ka khuai piak dih. Sakhaan ah an ka kalpi i Palek pakhat nih ka kut an ka hren cang buin a ke in ka hmai ah voi tampi a ka lamh. Zaan khat sakhaan ah ka riah hnu in an ka chuah than. Ka motor chung ah tangka sing 13 ka chiah mi zong an laak i zinglei ah sing khat le cheu lawng an ka pek than. Mah zat lawng hi tangka a um an ka ti,” tiah a chim.

Ko Nyi Nyi Tun cu Hakhathar ah khua a sa mi a si i steel lei rian a tuan mi a si. Khuachung in inn a tin lei ah atu bantuk in palek motor a hme mi he an i pahnak a si tiah kan theih. Palek Sakhan ah zaan khat an hren hnu a thaizing ah an chuah than nain tangka sing khat le a cheu lawng an pek than. Palek motor a rawk mi zong cawiliamter an timh tiah kan theih.Crdit-The Hakha Post

Be the first to comment

Leave a Reply

Your email address will not be published.


*