Ralrhang nih an tuah mi vialte le mipi le mipi ralkap an tuar nak vialte hi Lai media, Myanmar Media le UN tiang nih theih tiang in speak out hi a herh taktak tiah ka ruah.

Zeiruangah Speak out kan tuah lai lo i Facebook ah kan post lai lo? Surkhua peng ah a cang mi vialte ca in si seh picture in si seh A Caan tampi pe in nifatin record ka tuah tawn. Ralhrang nih RPG in an kapnak kong le mipi pawl inn le lo chuah taknak kong le mipi runventu/ ralkap Cung Peng Lian miphun le ram caah a nunnak a pe kong pawl an si.

Ralrhang nih an tuah mi vialte le mipi le mipi ralkap an tuar nak vialte hi Lai media, Myanmar Media le UN tiang nih theih tiang in speak out hi a herh taktak tiah ka ruah. Surkhua peng ah a cang mi a tuar mi khua lawng nih kan theih i kan tuar. Midang theihpi nak tuarpinak kan ton tuk lo. Hnemtu ngei lo ngaktak ban in kan si. A kan tuar pi mi cheu cungah kan nih lawm tuk. Kan philh hna lo.

Surkhua peng a cang mi kong Facebook ah post hlah speak out tuah hlah Nan ka ti nain speak out ka tuah ti lo hmanh ah kan nau pa Cung Peng Lian kong chim lo ka um kho lo ka ngeichia nak phuan lo ka um kho lo caah ka rak post asi. Facebook ah posh hlah media ah chim hlah Nan ka ti caah ka post lo ka chim lo speak out ka tuah lo nain kei mah lawng in ka tuar kho lo caah my day ah RIP ka nau Cung Peng Lian tiah ka tial.

Surkhua pengah a cang mi kha Facebook ah posh hlah u media ah chim hlah u a ti mi pawl kha miphun le ram Nan dawt ruangah a si tak tak maw? လုံခြုံရေး/ himnak caah posh hlah speak out tuah hlah Nan ti. Ok kan nau pa a him ti lo tiang nunnak a pe tiang mah hi Facebook ah post hlah u media ah chim hlah u nan ti. Media pawl nih an rak tial thiam cang ko caah my day lawng si lo in hi ka ah ka post ve nak asi.

Kan nau pa Cung Peng Lian, ram le miphun caah hero si ter zong kan duh rih lo nangmah hrim hi ra than law kan duh ko. Kan nih siang hrim lo. Zei caan maw na zung kan tuar rih lai. Minung lei in cu ram le miphun caah na thi tiah ka cohlan kho lo ram le miphun caah na thi si lo Na nun tu asi. Na thi lo Khrih ah na hngilh lawng asi. Thawkthan ni ah kan nih ton te lai mu kan dawt mi kan nau Cung Peng Lian. Na chungkhar lei kong ah na lungrei theih hlah seh mu a nung mi Bawipa nih a cawm hna lai. Dam tein kan umnak ahcun Ka mah le ka hawi Le hna nih kan si khawh dihlak in kan bawm ve hna lai. Ka nau a lin tuk na ti zong a hal lai na rawl zong a tam lai din ta rih mu. A rau hlan ah na rak thawk than te lai. Jesuh thisen thawng in mi vialte sualnak in luat kan si bantuk in na thisen nih Myanmar ram mi vialte le a dang ram justice a hmu rih lo mi justice a Kan pe. Then ding ah kan nih ton i ton than ding ah kan nih then than chung.An dawtu na u,
By-Uk Ling Thang

Be the first to comment

Leave a Reply

Your email address will not be published.


*